ကျနော်မသိချင်သောအရာ

on Thursday 28 February 2013


ချစ်သူပြုံးတဲ့အပြုံးတစ်ပွင့်အောက်
ကသောင်းကနင်းဖြစ်နေတဲ့စိတ်တစ်ခု.........
ကျနော်ရုတ်တရက်မေးလိုက်မိတယ်
ချစ်သူ ဘာကြောင့်ပြုံးပန်းပွင့်ပါသလဲဟု.......


ချစ်သူဆိုတဲ့သံစဉ်တစ်ခုအောက်
ယိုင်တိယိုင်တိုင်ဖြစ်နေတဲ့အတွေးတစ်ခု....
ကျနော်အမှတ်တမဲ့မေးလိုက်မိတယ်
ချစ်သူ ဘာကြောင့်ညည်းဆိုပါသလဲဟု.........


ချစ်သူ ပြောတဲ့စကားတစ်ခွန်းအောက်
ခွေခေါက်ခွေယိုင်ဖြစ်နေတဲ့ခံစားချက်တစ်ခု
ဒီတစ်ခေါက် ကျနော်မေးဖို့ တွေဝေခဲ့ပြီ
ဘာကြောင့်ဆိုတာ ချစ်သူနှုတ်ခမ်းထက်က မဟလာပါစေနဲ့
ကျနော် မြတ်နိုးတဲ့ ချစ်သူနှုတ်ခမ်းရဲ့
ထိချက်ပြင်းပြင်း မုန်တိုင်းအသံတစ်ခုကို
နားထောင်ဖို့
ကျနော့်ခွန်အား
သူခိုး ခိုးခံလိုက်ရလို့ပါ။


(အခုတလောဘာဖြစ်နေလဲမသိဘူး။ ကဗျာရေးချင်ပေမဲ့ ဦးနှောက်ထဲထွက်မလာတဲ့ စကားလုံးတွေက ထပ်ပြီး ရှားပါးပြတ်တောက်နေပါတယ်။ ကိုယ့်ကိုယ်ကိုသာ ဆဲချင်မိပါတယ်။)

တိမ်တဆုပ်ရဲ့ ဒဏ်ရာပြင်းပြင်း ကျိန်စာ

on Wednesday 20 February 2013




ကိုယ်သောက်နေတဲ့ကော်ဖီစိမ့်စိမ့်တစ်ခွက်မှာပဲ ခါးသီးခြင်းတွေလာလာ အရောဝင်တယ်
ကိုယ်မက်နေတဲ့အိမ်မက်ညိုညိုမှာပဲ မဲပြာရောင်နတ်ဆိုးတွေ လာလာ ကျူးကျော်ကြတယ်
ကိုယ်ဟာ ဘာမှမဟုတ်
အဲ့ဒီ့ဘာမှမဟုတ်တာတဲ့ ကိုယ်ကပဲ သားကောင်တစ်ကောင်ဖြစ်ခဲ့တယ်...


တစ်ခါတစ်လေ ကိုယ်တွေးတယ်
တစ်ခါတစ်လေ ကိုယ်ငေးတယ်
အတွေးတွေထဲ ငေးရင်း
ငေးလျက်တွေးရင်း
အမှတ်မရှိတဲ့ ကိုယ့်စိတ်ဝင်္ကပါမှာ စိတ္တဇကာရန်တွေသာ ရစ်ဝဲ၀ဲလည်တယ်...


ကိုယ်ဟာရင့်ကျက်မလိုနဲ့ ကလေးဆန်တယ်
နူးညံ့မလိုနဲ့ ကြမ်းရှတယ်
ခပ်ထွေထွေပြောရရင်
ကိုယ့်ဒိုင်ယာရီထဲမှာ အလင်းကို ထာဝရအမှောင်ချထားရင်း
ဂျူးလိယက်ရဲ့အသားတစအဖြစ် ကိုယ်အသက်ရှူတယ်...


ကိုယ်ရယ်တဲ့အခါတိုင်း
မျက်ရည်တွေက ပျော်မြူးတယ်
ကိုယ်ငိုတဲ့အခါတိုင်း  နှလုံးသားက ဆိပ်တွေထွက်တယ်
ကိုယ်စဉ်းစားမိတယ်
ဘာကြောင့်များ
ဒီတိမ်တဆုပ်ကျိန်စာက အဲ့ဒီ့လောက်ဒဏ်ရာပြင်းခဲ့လဲဆိုတာ...


ကိုယ့်အတွက်စကားလုံးတွေရှားတယ်
ကိုယ့်အတွက်ချိုမြိန်မှုတွေရှားတယ်
ကိုယ့်အတွက်အပေါဆုံးက ဝေဒနာတွေ
ကိုယ်အရဆုံးက ဟန်ဆောင်မှုတွေ...


လူတွေကိုယ့်ကို မုန်းတယ်(အထူးသဖြင့် သူ...)
ကိုယ်ကလူတွေကိုကြောက်တယ်(အထူးသဖြင့် သူ...)

ကိုယ့်ရဲ့အငံစိတ်ထဲတောင်
ကိုယ်ကအမြဲ
ကခုန်ရင်း ကျရှုံးနေသူတစ်ယောက်...


 ဘာကိုမှ မတူးဖော်ဘူး
ဘာကိုမှ တံဆိပ်မတပ်ဘူး
အလိုလိုနေရင်း လျှံကျတတ်တဲ့မျက်ရည်တွေကြားကပဲ
ွင့်ကျသွားတဲ့ အချစ်တစ်ပွင့်အတွက်
ကိုယ်လမ်းလျှောက်ရင်း လမ်းပျောက်သလိုလုပ်နေမယ်
ဒီကျိန်စာအတွက် ကိုယ်ဒီလောက်တော့ ပေးဆပ်သင့်ပါတယ်...။။။ 

  
 
   
  



မြေဇာပင်

on Monday 18 February 2013
ကြာတော့ ကြာခဲ့ပါပြီ။ လွန်ခဲ့တဲ့ ၁၅နှစ်လောက်ကပေါ့။ အဲဒီတုန်းက သူမ အသက် ၁၀နှစ်။ ၄တန်း ကျောင်းသူဘ၀။ ဘာပြသာနာဖြစ်တယ်ဆိုတာတော့ သူမသေချာမသိ။
အမေ ပြောတာတော့ အဖေ နောက်မီးလင်းလို့တဲ့။ အဲဒီ့စကားလုံးကို မူလတန်းကျောင်းသူဖြစ်တဲ့ သူမ နားမလည်ခဲ့တာ အမှန်။ အမေကလဲ သေချာမရှင်းပြခဲ့။
အဖေ့အပေါ် အခုတစ်လော နေ့တိုင်းရန်လုပ်နေတာဘဲ တွေ့ရသည်။ အဖေကတော့ အမေ ရန်လုပ်၊ ရိုက်နှက်သမျှ တစ်ခွန်းမှ ပြန်မပြောဘဲ ငုံခံနေတတ်သည်။
ဘယ်လောက်ထိတောင် အခြေအနေဆိုးသွားလဲဆိုရင် ခါတိုင်း မိသားစု ၃ယောက် အတူတူအိပ်နေကြ အိပ်ခန်းထဲက ကုတင်မှာ အဖေလာမအိပ်တော့ဘဲ ဘုရားစင်ရှေ့မှာ ဖျာလေးခင်းပြီး တစ်ယောက်ထဲ အိပ်တာပါပဲ။သူမက အဖေ့ကိုအခန်းထဲ ၀င်အိပ်ဖို့ပြောရင် အမေက သူမကို ရိုက်သည်။
သူမ အဖေနဲ့ အတူတူသွားအိပ်ရင်လဲ အမေကမကြိုက်။ ဒါကြောင့် တစ်ခါတစ်လေ သူမ တစ်ရေးနိုးလို့ အမေအိပ်ပျော်နေတာ တွေ့ရင် အိပ်ရာထဲက တိတ်တိတ်လေးထပြီး အဖေ့ဆီသွားအိပ်တတ်သည်။
မနက်မိုးလင်းမှ အမေသိလို့ ရိုက်တဲ့အခါ မျက်ရည်မကျဘဲ ငုံခံတတ်သည်။ အဲလိုအခါမျိုးမှာ အဖေက မနေနိုင်လို့ သူမကို မရိုက်ဖို့ အမေ့ကို ၀င်ပြောတဲ့အခါ အမေက အဖေ့ကိုပါ ရန်လုပ်တတ်သည်။ ဒီလိုနဲ့ သူမ ၄တန်း အတန်းတင်စာမေးပွဲကြီးဖြေပြီး နောက်တစ်နေ့ အဖေနဲ့ အမေ ကွာရှင်းခဲ့ကြသည်။

-----------------------------------------------------------------------------------------------------------

မှတ်မိပါသေးသည်။ ကွာရှင်းမည့်နေ့ မတိုင်ခင် ညဘက် အိပ်ရာထဲမှာ အမေက သူမကို- မနက်ဖြန်ကျရင် တရားရုံးသွားမည်ဖြစ်ကြောင်း၊ အကယ်၍ လူကြီးတွေက သမီးကို အဖေနဲ့အမေတို့၂ယောက်မှာ ဘယ်သူဆီမှာနေချင်လဲလို့မေးရင် အမေဆီမှာနေချင်တယ်လို့ပြော၊ အမေ သမီးကို မုန့်တွေ အများကြီး ၀ယ်ကျွေးမယ်၊ ကစားကွင်းလဲ လိုက်ပို့ပေးမယ်ဆိုပြီး ပြောပါသည်။
သူမက မေမေတို့ ဘာလို့ တရားရုံးသွားမှာလဲ ဆိုပြီးမေးတော့ အမေက အဲဒါတွေ မသိချင်စမ်းပါနဲ့၊ အမေပြောခိုင်းသလိုသာပြော ဆိုပြီး သူမ ကို ပြောခဲ့ပါသည်။
သူမလဲ ထပ်မမေးတော့ဘဲ မုန့်တွေစားရမယ်၊ ကစားကွင်းလဲ လိုက်ပို့ပေးမယ်ဆိုတဲ့ အမေရဲ့ စကားအောက်မှာ ပျော်ပြီး မေမေ့ကိုဖက်ပြီး အိပ်ပျော်သွားခဲ့ပါသည်။ နောက်နေ့ မနက် အိပ်ရာနိုးတော့ အဖေ့ကို မတွေ့မိပါဘူး။
အမေ့ကို မေးတော့ တရားရုံးကို အရင်သွားတာနေမှာပေါ့လို့ ပြောပြီး သူမကို အ၀တ်အစားလဲပေးပြီး သူမနဲ့ အမေ တရားရုံးကို ထွက်လာခဲ့မိသည်။ လမ်းမှာ အမေက ညကစကားကို ထပ်ပြောပါသည်။
သူမကလဲ ခေါင်းညိတ်တော့ အမေက ငါ့သမီးလေး လိမ်မာလိုက်တာ ဆိုပြီး သူမပါးကို ဖွဖွလေး နမ်းပါသည်။

---------------------------------------------------------------------------------------------------------

တရားရုံးကိုရောက်တော့ တရားရုံး အပေါက်ဝမှာ အဖေ့ကို တွေ့ပါသည်။ အဖေက အမေ့ကို လုံးဝမကြည့်ပါ။ သူမကိုသာ စိုက်ကြည့်ခဲ့ပါသည်။ သူမထင်တာကတော့ အဖေ့မျက်လုံးမှာ မျက်ရည်တွေ ၀ဲနေသလားလို့ပါ။
တရားရုံးထဲရောက်တော့ ရုံးထဲက လူကြီးတွေနဲ့ အဖေနဲ့ အမေ စကားအပြန်အလှန်ပြောနေတာတွေ သူမနားထဲမှာ မ၀င်တစ်ချက်၊ ၀င်တစ်ချက်။
အမေက အဖေ့ကို လူယုတ်မာကြီး၊ နောက်မိန်းမယူထားတယ် ဆိုတဲ့အမေရဲ့ ဒေါသသံပါနေတဲ့စကား။ အဖေက အမေ့ကို မှားခဲ့မိပါတယ်။ တစ်ကြိမ်တစ်ခါတော့ ခွင့်လွှတ်ပေးပါကွာ ဆိုတဲ့ အဖေ့ရဲ့ လေသံပျော့ပျော့လေး။ စသည်ဖြင့်…………။
ပြောနေကြတဲ့ စကားတွေ အများကြီးပါ။
သူမ မျက်စိထဲ မြင်ယောင်နေတာက တရားရုံးဝမှာ တွေ့ခဲ့တဲ့ အဖေရဲ့ မျက်ရည်ဝိုင်းနေသော ပုံစံ။ ရုတ်တရက် တရားသူကြီးက သူမကို လှမ်းမေးလိုက်သည်။
“သမီး … သမီးရဲ့ ဖေဖေနဲ့မေမေမှာ ၊ ဘယ်သူ့ကို ပိုချစ်သလဲ”
သူမ ဘာပြန်ဖြေရမလဲ မသိပါ။ တရားသူကြီး မျက်နှာကို မော့ကြည့်လိုက်တဲ့ သူမရဲ့ မျက်ဝန်းမှာ မျက်ရည်စတွေတွဲခိုနေတာကို အဖေမြင်သွားဟန်တူပါရဲ့။
“တရားသူကြီးမင်း သမီးလေးကြောက်နေရှာပါတယ်။ သူမကို လိုရင်းကိုပဲမေးပါ”
အဖေ့ရဲ့စကားသံအဆုံးမှာ တရားသူကြီးက
“ဟုတ်ပြီ။ သမီး …ဦးမေးတာ သေချာဖြေနော်။ သမီး မေမေနဲ့ ဖေဖေ အိမ်ခွဲနေကြတော့မယ်။ အဲဒါ သမီး ဘယ်သူနဲ့ လိုက်နေချင်လဲ”
သူမ ရုတ်တရက် မဖြေသေးပါဘူး။ အဖေ့မျက်နှာတစ်လှည့်။ အမေ့မျက်နှာ တစ်လှည့် ကြည့်မိပါသည်။
အမေက သူမကို မျက်နှာထားတင်းတင်းနဲ့ မေးဆတ်ပြပါသည်။ သူမ နားလည်လိုက်သည်။ အမေက သူမကို အမေ့ဆီမှာ နေချင်တယ်လို့ ပြောလေဆိုတဲ့ ပုံစံမျိုး။ အဖေ့ကို ကြည့်မိတော့ အဖေက သူမကို ကြင်ကြင်နာနာနဲ့ ပြန်ကြည့်သည်။ ဒါပေမဲ့ သူမ တွေ့သည်။
အဖေ့မျက်ဝန်းက မျက်ရည်စတွေကို။
“သမီး ဖေဖေနဲ့ပဲအတူတူနေချင်တယ်”
တရားသူကြီးဘက် မျက်နှာလှည့်ပြီး သူမ ရဲရဲဝံ့ဝံ့ ပြောချလိုက်သည်။ မေမေ ဆီက တောက်ခေါက်သံ အကျယ်ကြီး ထွက်လာကာ အမေက သူမနားလစ်ခနဲ ရောက်လာပြီး သူမကို  ခေါင်းခေါက်၍ ဗိုက်ခေါက်လိမ်ဆွဲလိုက်သည်။ သူမ အမေ့ကို မျက်ရည်တွေနဲ့ ကြည့်လိုက်မိသည်။
အမေ့မျက်လုံးမှာ ဒေါသတွေနဲ့ မီးဟုန်းဟုန်းတောက်နေသလို၊ သူမကို စူးစူးရှရှ ကြည့်နေသလို ခံစားလိုက်ရပြီး တစ်ခဏ သူမ မေ့လဲသွားပါသည်။ …….။

----------------------------------------------------------------------------------------------------------

သူမ သတိရလာတော့ ဘယ်ကို ရောက်နေမှန်း ရုတ်တရက် စဉ်းစားလို့မရ။ ဘာတွေ ဖြစ်ခဲ့မှန်းလဲ မသိ။ ဘေးနားမှာ မေမေက-
“သမီး သတိရလာပြီလား ။ ၀မ်းသာလိုက်တာ သမီးရယ်။ သမီး ဘာမှမဖြစ်ဘူးနော်။ ဘယ်လိုနေလဲ သမီး။ နေရထိုင်ရတာ အဆင်ပြေရဲ့လား။….”
မေးခွန်းတွေ တရစပ်မေးလာခဲ့တဲ့ မေမေ့အမေးကို သူမ ပြုံးပြပြီး-
“သမီး ဘာမှ မဖြစ်ပါဘူး မေမေ”
မေမေက သူမကိုကြည့်နေစဉ်မှာဘဲ သူမက-
“ဖေဖေ ဘယ်မှာလဲ မေမေ”
မေ့မေ့မျက်နှာ တစ်မျိုးလေး ဖြစ်သွားတာကို သူမသိလိုက်သည်။
မေမေက-
“သမီး ဖေဖေက နိုင်ငံခြားထွက်သွားပြီ သမီးရဲ့။ သမီးအတွက် မုန့်ဖိုးတွေ ပေးဖို့ ပိုက်ဆံသွားရှာတာလေ။ သမီးအတွက် အရုပ်တွေ အများကြီး ၀ယ်ပေးဖို့လေ”
မေမေ အဲလို ပြောနေတဲ့ အချိန် ဘေးနားမှာ ရပ်နေတဲ့ ကြီးကြီးဆီက အင့်…ဆိုပြီး ငိုသံကြားလိုက်ပါသည်။ မေမေက ကြီးကြီးကို မျက်စောင်းလှမ်းထိုးလိုက်တာကိုလဲ သူမ တွေ့လိုက်ပါသည်။
ထို့နောက် မေမေက ဆေးရုံမှဆရာဝန်ကြီးဆီကို သူမ သတိရလာပြီဆိုတဲ့အကြောင်း သွားပြောမယ်ဆိုပြီး ထွက်သွားတဲ့ အခါ ကြီးကြီးက သူမကို-
“သမီးရယ်..သနားစရာကောင်းလိုက်တာ..တကယ်တော့ သမီးက ဘာအပြစ်မှ မရှိဘဲ မြေဇာပင် ဖြစ်ခဲ့ရတာပါ။ တစ်နေ့နေ့တော့ သမီး နားလည် လာပါလိမ့်မယ်”
ဆိုပြီး ပြောလိုက်သည်။

----------------------------------------------------------------------------------------------------------

တဖြည်းဖြည်း အရွယ်ရောက်လာတာနဲ့ အမျှ ဖေဖေနိုင်ငံခြားမသွားခဲ့သလို၊ ဖေဖေနဲ့ မေမေ တရားရုံးမှာ တရားဝင် ကွာရှင်းပြီးပြီဆိုတာလဲ သူမ သဘောပေါက်သိရှိခဲ့ရသည်။
ဒါပေမဲ့ သူမ သိတတ်တဲ့ အရွယ်က စပြီး ဖေဖေ့အကြောင်း စုံစမ်းခဲ့သည်။ သူမ အသက် ၁၆နှစ်၊ ဆယ်တန်း အောင်ပြီး ခါစမှာ မေမေ မသိအောင် ပထမဆုံးအနေဖြင့် ဖေဖေကို တိတ်တဆိတ်သွားတွေ့ခဲ့သည်။
ဖေဖေက ဘုန်းကြီးဝတ်အဖြစ်နဲ့ပေါ့။ ဖေဖေက ပြောပြခဲ့ပါသည်။ ဖေဖေတို့ အလုပ်ထဲက အန်တီတစ်ယောက်နဲ့ ဖေဖေပတ်သက်ခဲ့ဖူးကြောင်း၊ လွန်လွန်ကျွံကျွံမဖြစ်ခဲ့ပေမဲ့ အဖေက အဲဒီ့အန်တီနဲ့ သာယာသလို ဖြစ်ခဲ့မိသောကြောင့် စားသောက်ဆိုင်တွေမှာ အတူတူစားသောက်တာ ၃၊၄ကြိမ် ရှိခဲ့ကြောင်း၊
အဲဒါကို မေမေက ဖေဖေ နောက်မိန်းမ ယူထားတယ်ဆိုပြီး ပြသာနာရှာခြင်းဖြစ်ကြောင်း၊ ဖေဖေက မှားပါပြီလို့ ၀န်ခံတောင်းပန်တာကို လက်မခံခဲ့လို့ ကွာရှင်းခဲ့ရကြောင်းပြောပြကာ၊ ဖေဖေသည် သူမ ကိုပါ-
“ဖေဖေ မှားခဲ့မိပါတယ်။ ဘာမဟုတ်တာကို သာယာခဲ့မိလို့ သမီးလေး စိတ်မှာ ဒဏ်ရာရစေခဲ့မိတာကို တောင်းပန်ပါတယ်” ဆိုပြီး ပြောပါသည်။
ဖေဖေ့စကားအဆုံးမှာ သူမ ပြုံးလိုက်မိပါသည်။ အဲဒီ့အပြုံးတွေမှာ နာကျဉ်းချက်တွေ၊ ၀မ်းနည်းမှုတွေ အပြည့်ပါနေတယ်ဆိုတာ ဖေဖေ မသိခဲ့ပါဘူး။
ဒါပေမဲ့ သူမ နာကျဉ်းခဲ့တာ မိဘတွေကို မဟုတ်ပါ။ မြေဇာပင် ဖြစ်ခဲ့ရတဲ့ ကိုယ့်ဘ၀ကိုယ် မကျေမနပ်ဖြစ်ပြီး နာကျဉ်းနေတာပါ။ ဒါပေမဲ့ သူမ ဖေဖေကို ချစ်ပါသည်။
အရင်တုန်းက ဖေဖေရဲ့ သနားစရာကောင်းတဲ့မျက်နှာလေးကို သူမ မမေ့နိုင်ခဲ့ပါ။

----------------------------------------------------------------------------------------------------------

အခု သူမ အသက် ၂၅နှစ်ပြည့်ပြီ။ ကိုယ်ပိုင် အလုပ်အကိုင်နဲ့ဖြစ်ကာ မိဘတွေကိုလဲ ထောက်ပံ့နိုင်ခဲ့ပါပြီ။
မေမေ မသိအောင် ဖေဖေ့ကိုလဲ တစ်လတစ်ခါ ပိုက်ဆံတွေ ပို့ပေးခဲ့ပါသည်။
တစ်ခါတစ်လေမှာတော့ တရားရုံးသွားခဲ့တဲ့နေ့ကို အိမ်မက်ဆိုးကြီးအဖြစ် မြင်မက်တတ်သည်။ တစ်ခါတစ်လေမှာတော့ မြေဇာပင်ဖြစ်ခဲ့ရတဲ့ ဘ၀၊ မိစုံဖစုံအတူမနေနိုင်တဲ့ဘ၀ကို
ပြန်တွေးပြီး ၀မ်းနည်းမိသည်။ ဒါပေမဲ့ နေ့စဉ် ဘုရားရှိခိုးတိုင်း ဆုတောင်းလေးတစ်ခုတော့ နေ့စဉ် မပျက်မကွက်ဆုတောင်းမိသည်။
“ကမ္ဘာပေါ်မှာ ရှိရှိသမျှ ကလေးတိုင်း မိစုံဖစုံ နေရပါစေ၊ မြေဇာပင် ဖြစ်ခြင်းမှ ကင်းဝေးပါစေ” ဟု…။။။။။
 
 
 
 ကျနော့်ဘ၀ရဲ့မျက်ရည်တွေနဲ့ပထမဆုံးရေးမိတဲ့ဝတ္ထုတစ်ပုဒ်။ ဒီဝတ္ထုမကောင်းမကန်းမှာပဲ ကျနော့်ခံစားချက်မျိုးစုံပါတယ်။ ဒီဝတ္ထုကြောင့်ပဲ အမှတ်တရမျိုးစုံဖြစ်ခဲ့တယ်။း(
 
ပျင်းပျင်းရှိတာနဲ့ အရင်ကရေးပြီးသားဝတ္ထုတွေပြန်တင်နေမိတာ ခွင့်လွှတ်ပါနော် 
 
 

အိမ်မက်လက်ဆောင်

ထိုညက ယခုလိုမျိုး အိုက်စပ်စပ်နွေည တစ်ည မဟုတ်ခဲ့။ မိုးသံလေသံတွေနဲ့ စောင်ခေါင်းမြှီြးံခုံ အိပ်လို့ကောင်းခဲ့သည့် ညတစ်ည။



+++++++++++++++++++++++++++++++++++++++++++++++++++++++++



အဲ့ဒီညက ညသန်းခေါင်၁၂နာရီထိုးသည့်အထိ ကျွန်မ စာဖတ်လို့ကောင်းဆဲ။ ဖတ်နေသည့်စာကလဲ တစ္ဆေပေးသောလက်ဆောင် စာအုပ်။ တစ်နည်းပြောရလျှင် ဘာသာပြန်ဝတ္ထုတစ်အုပ်ဖြစ်သည်။ မိုးစက်တွေ အိမ်ခေါင်မိုးသွပ်ပြားအပေါ်ကျနေသည့် အသံကို နားထောင်ရင်း ကျွန်မသည် အိမ်ရာထဲတွင် စောင်ခြုံ လှဲလျောင်းလျှက် ထိတ်လန့်ဖွယ်ကောင်းသော တစ္ဆေပေးသောလက်ဆောင် စာအုပ် ကို စိတ်ဝင်စားဖွယ် ဖတ်နေမိသည်။ တစ်ခုတော့ရှိသည်။ ကျွန်မသည် တစ္ဆေ၊ သရဲစာအုပ်တွေကို ကြိုက်နှစ်သက်စွာဖတ်လေ့ ရှိသော်လည်း မကြောက်တတ်။ ကျွန်မတို့အိမ်တွင်လည်း ဖေဖေ၊မေမေ၊ ကိုကိုကြီးအပြင် မောင်လေးတို့ပါ ရှိနေသောကြောင့် ဖြစ်ကောင်းဖြစ်လိမ့်မည်။ တစ်ယောက်တည်း နေရသော အခါတွင်မူ ကြောက်လန့်စိတ်ဝင်ချင် ၀င်မိပေလိမ့်မည်။



သို့သော် ထိုနေ့က ကျွန်မ တကယ် ထိတ်လန့်မိခဲ့တာကိုတော့ ၀န်ခံရပေလိမ့်မည်။



+++++++++++++++++++++++++++++++++++++++++++++++++++++++++



တကယ်တော့ အချိန်သည် ၆လလောက်ကြာခဲ့ပြီဖြစ်သော်လည်း ထိုနေ့က အဖြစ်အပျက်ကို ကျွန်မ မှတ်မိနေခဲ့သည်။ အဲ့ဒီတုန်းက စာဖတ်နေရင်း မိုးကလဲ ရွာနေတော့ ချမ်းစိမ့်စိမ့်ဖြစ်လာသောကြောင့် ကော်ဖီတစ်ခွက်လောက် ဖျော်သောက်ရန် ကျွန်မအိပ်ခန်းရှိရာ အပေါ်ထပ်မှ အောက်ထပ်သို့ ဆင်းလာခဲ့သည်။ အိမ်အောက်ထပ်တွင် မောင်လေးအခန်းရှိသော်လည်း မောင်လေးသည် အိမ်ကို ပြန်မရောက်သေးပါ။ ထုံးစံအတိုင်း လက်ဖက်ရည်ဆိုင်တွင် ဘောလုံးပွဲကြည့်ရင်း မနက် ၄နာရီလောက်မှ ပြန်လာတတ်သော ဆယ်တန်းဖြေပြီးခါစ မောင်လေးကို ကိုကိုကြီးက


 “မနက်ပဲပြုတ်သည်နှင့် အတူတူပြန်လာတဲ့အကောင်၊ ပဲပြုတ်သည်ယောက်ျား


ဟု အမြဲစနောက်တတ်သည်။ ကိုကိုကြီးကတော့ ရုံးသမားပီပီ မနက်စောစော ရုံးသွားရမည်ဖြစ်ရာ မည်သည့်အခါမှ ညဥ့်နက်ခံပြီး ဘောလုံးပွဲအကြည့်တတ်၊ ၀ါသနာမပါသောကြောင့်လဲဖြစ်သည်။ ဖေဖေနှင့်မေမေသည်လည်း မနက်ဈေးထဲတွင် အထည်ဆိုင်ဖွင့်ရမည်ဖြစ်သောကြောင့် စောစောအိပ်တတ်သည်။ ကျွန်မကတော့ ထမင်း၊ဟင်း ချက်ပြုတ်ပြီး နေ့လည်နေ့ခင်း ကျမှ ဖေဖေ၊ မေမေတို့နှင့် ဂျူတီချိန်းပြီး ညနေ ဆိုင်ပိတ်ချိန်အထိ အထည်ဆိုင်တွင် အလုပ်လုပ်ရသူဖြစ်သည်။



ထို့ကြောင့် မနက်ကို နဲနဲနောက်ကျမှ ထလဲဖြစ်သောကြောင့် ညဘက်ဆို ညဥ့်နက်တဲ့အထိ စာဖတ်ခြင်းဖြစ်သည်။ အခုလဲ မောင်လေး ပြန်မရောက်သေးသောကြောင်း အောက်ထပ်တစ်ထပ်လုံးကို မီးပိတ်ထားခြင်း ဖြစ်သည်။ ကျွန်မလဲ ကော်ဖီသောက်ရန် လက်နှိပ်ဓာတ်မီးလေး ကိုင်ပြီး မီးဖိုချောင်ခန်းသို့ ၀င်လာခဲ့သည်။ မီးဖိုခန်းထဲ အရောက် မီးဖွင့်ရန် မီးခလုတ်စီ လက်အလှမ်း နောက်ဖက်မီးဖိုချောင်တံခါးနားကနေ ဖြတ်သွားသော အရိပ်တစ်ခုကို ဖြတ်ခနဲ တွေ့လိုက်သည်။



ဟာ…”



ကျွန်မ နှုတ်က ထွက်ကျသော အာမေဍိတ် သံသည် တိုးတိုးလေးမျှသာ ဖြစ်သော်လည်း ရင်ထဲမှာတော့ ဆူညံ့သွားသလို ထင်မိသည်။ ကျွန်မသည် ပါးစပ်အဟောင်းသားနဲ့ ကိုယ့်မျက်စိကိုယ်မယုံနိုင်ဖြစ်ရသည်။ ကျွန်မ ခုနတုန်းက ဖတ်နေသောစာအုပ်သည် တစ္ဆေစာအုပ်ဖြစ်သော်လည်း ကျွန်မ မကြောက်။ ဘာမှ မဖြစ်။ အခုတော့ ကျွန်မရင်ထဲ တုန်ခါသွားသည်။ ကျွန်မတွေ့လိုက်သည်က အနဲဆုံး၆ပေကျော်ကျော်လောက် အမြင့်ရှိသည့် အရပ်နဲ့ လူအရိပ်တစ်ရိပ်။



သို့သော် စူးစမ်းစိတ်က ကျွန်မ ကို နောက်ဖေးတံခါးကို ဖွင့်ကြည့်ဖို့ တွန်းအားပေးနေသောကြောင့် လက်လှမ်းနေသော မီးခလုတ်ဆီမှ လက်ကို ပြန်ရုတ်လိုက်ပြီး မီးမဖွင့်တော့ပဲ ကျွန်မခြေလှမ်းများက နောက်ဖေးတံခါးဆီသို့ တရွေ့ရွေ့လှမ်းလိုက်သည်။ တံခါးကို အသံမမြည်အောင် အသာလေးဖွင့်ရင်း အပြင်ပတ်ဝန်းကျင်ကို ကြည့်မိသည်။ သိပ်မသည်းသောမိုးရေတွေကြားထဲမှာ အပြင်ပတ်ဝန်းကျင်လောကသည် မှောင်မဲနေသည်။ ကျွန်မမှာ ပါလာသော လက်နှိပ်ဓာတ်မီးဖြင့် အပြင်ကို ကြည့်မိသည်။ ဘာမှမတွေ့။ အိမ်နောက်ဖေး ခြံထဲရှိ အုန်းပင်နှစ်ပင်နှင့် အ၀တ်ကြိုးတန်းတစ်တန်း။ နောက်.. မေမေစိုက်ထားသော ခြံဘယ်ဘက်ထောင့်လေးက စိုက်ခင်းသေးသေးလေးတစ်ခု။ ရှမ်းနံနံ၊ ခရမ်းချဉ်းသီး၊ ဘူးသီးများကို ဓာတ်မီး၏ အလင်းဖြင့် ကျွန်မ တွေ့နေရသည်။ ထို့နောက် ခြံညာဘက်ထောင့်ကို ဓာတ်မီးဖြင့် ထိုးကြည့်သည်။ ဘာမှ မထူးခြား။ ထို့ကြောင့် ဓာတ်မီးခလုတ်ပိတ်ပြီး နောက်ဖေးတံခါးကို အမြန် ဆွဲပိတ်လိုက်သည်။ ကျွန်မ မျက်စိအမြင်မှားတာ နေမှာပါ။ ဒါနဲ့ ကျွန်မလဲ ကော်ဖီလဲ မသောက်တော့ပါဘူးလေ ဆိုပြီး မီးဖိုခန်းမှ ထွက်ရန် ပြန်အလှည့် ထိုအချိန် မီးဖိုခန်းသည် ရုတ်တရက် မီးလင်းသွားပြီး-


အမ…”


အမလေး…”


မျက်စိကို စုံမှိတ်ပြီး အမလေး လို့အော်နေတဲ့ ကျွန်မ။ နောက် ရယ်သံကြားတော့မှ မျက်လုံးကို တဖြည်းဖြည်း ဖွင့်ကြည့်တော့မှ တွေ့လိုက်ရတာက ကျွန်မ မောင်လေး။


အမ အဲ့မှာ ဘာလုပ်နေတာလဲ


မောင်လေးရဲ့အမေးကို ကျွန်မ ချက်ချင်းမဖြေနိုင်။ ရေအိုးစင်နားသွားပြီး ရေတစ်ခွက်ကို အမြန်သောက်ပစ်လိုက်သည်။ ပြီးမှ-


ငါလဲ စာဖတ်ရင်းကော်ဖီသောက်မလို့လေ။ အဲဒါ ကော်ဖီ ဆင်းဖျော်တာ။ ဒါနဲ့ မောင်လေး ဒီနေ့ပြန်တာ စောလှချည်လား။


ဟုတ်တယ်လေ။ မိုးကလဲ ရွာနေတော့ ကြည့်ရတာ ဖီးလ်မလာဘူး။ ပွဲကလဲ နာမည်ကြီးအသင်းတွေ ကန်တာမဟုတ်တော့ သိပ်မကောင်းဘူး။ ဒါကြောင့် ပြန်လာတာ။


မောင်လေးကတော့ ပြောပြောဆိုဆိုပင် ညစာစားဖို့ ထမင်းခူးနေသည်။


ဒါနဲ့ အမ..ကော်ဖီဖျော်တယ်တာ ပြောတာ။ ဘာလို့ မီးပိတ်ပြီး မတ်တပ်ကြီး ရပ်နေတာလဲ။


ဟို..ဟိုလေ…”


မောင်လေးက ကျွန်မကို ပြုံးစိစိဖြင့်ကြည့်သည်။ နောက် ထမင်းကို ပလုတ်ပလောင်းစားနေရင်း-


အမ..ရည်းစားနဲ့ ချိန်းတွေ့နေတာလား။


ဟဲ့..ကပေါက်တိ ကပေါက်ချာ. ရည်းစားမရှိပါဘူး.ကလေးက ကလေးလို မနေဘူး.”



ဟု ပြောပြီးပြီးချင်း ကျွန်မလဲ မောင်လေး ကြောက်မှာစိုးလို့ ဘာမှ မပြောပဲ အိမ်အပေါ်ထပ်သို့သာ အမြန်ပြေးတတ်လာခဲ့သည်။ ကျွန်မကသာ သူကြောက်မှာ စိုးလို့ ဘာမှ မပြောတာ။ သူကတော့ ကျွန်မကိုတောင် ရည်းစားနှင့်ချိန်းတွေ့တာလားဆိုပြီး ပြန်နောက်သေးသည်။ ထို့နောက် ကျွန်မလဲ ကျွန်မ အခန်းထဲ ပြန်ဝင်လာပြီး အိပ်ရာပေါ်လှဲ လိုက်သည်။ သို့သော် ချက်ချင်း အိပ်မပျော်။ စာဖတ်ချင်စိတ်လဲ မရှိ။ နာရီဝက်လောက်ကြာတော့ ကျွန်မ မှေးခနဲ အိပ်ပျော်သွားသည်။



+++++++++++++++++++++++++++++++++++++++++++++++++++++++++



ထထ..သမီး မြန်မြန်ထ..”


ရုတ်တရက် လှုပ်နှိုးခံလိုက်ရသောကြောင့် မျက်လုံးဖွင့်ကြည့်လိုက်တဲ့အခါ မေမေ့ကို တွေ့လိုက်ရသည်။


မေမေ ဘာဖြစ်လို့လဲ။


မေးမနေနဲ့။ မြန်မြန်အင်္ကျီလဲ။ ပြီးရင် အောက်ထပ်ဆင်းလာခဲ့။ ညည်းအဖေနဲ့ အကိုလဲ စောင့်နေတယ်။


အိပ်ချင်မူးတူးဖြစ်နေသောကြောင့် ဘာဖြစ်မှန်း မေမေ့ကို သေချာမမေးမိ။ အင်္ကျီလဲပြီး အောက်ထပ်ဆင်းလာတော့ ဖေဖေ၊မေမေ နဲ့ကိုကိုကြီးတို့ အ်ိမ်ရှေ့ စတီခုံပေါ်တွင် ထိုင်နေတာ တွေ့ရသည်။



ဟော..သမီးဆင်းလာပြီ။ လာလာ။ မြန်မြန်သွားကြမယ်။



ပြောပြီး ဖေဖေက ရှေ့မှ ဦးဆောင် ထွက်သွားသည်။ ကိုကိုကြီးက ကားကို မြန်မြန်မောင်းနေသည်။ မေမေကတော့ မျက်ရည်တရှုံရှုံ။ ဖေဖေကလဲ မျက်နှာမကောင်း။ အခုအချိန်ထိ ဘာဖြစ်မှန်းလဲ ကျွန်မ မသိ။ ကျွန်မ သိတာ အရမ်း အိပ်ချင်နေသည်။ လက်က နာရီကိုကြည့်မိတော့ မနက် ၂နာရီ။



ကားက ဆေးရုံဝင်းထဲ ချိုးဝင်လိုက်တော့မှ ကျွန်မ စိတ်ထဲ ထိတ်ခနဲ ဖြစ်သွားသည်။ ထိုအခါမှ ကျွန်မ သတိရသည်။ မောင်လေး။ ကျွန်မ မောင်လေး ကားပေါ် ပါမလာ။ ဖေဖေတို့ မောင်လေး စောစောပြန်လာတာ မသိလို့ ထားခဲ့တာလား။ ကားပေါ်က ဖေဖေနဲ့ မေမေ အရင်ပြေးဆင်းသွားသည်။ ကိုကိုကြီးက ကားကို ပါကင်ထိုးရင်း-


ညည်းကလဲ တစ်လမ်းလုံး ငိုက်လာတယ်။ ဘာဖြစ်မှန်း တစ်ခွန်းမေးဖော်မရဘူး


ကိုကိုကြီးက လေသံမာမာဖြင့် ဟောက်လိုက်တော့မှ ကျွန်မက-


မေးမလို့ပဲလေ။ အိပ်တာကတော့ အိပ်ချင်နေတာပေါ့။ အခုဘာလို့ဆေးရုံကို လာတာလဲ


ဟိုကောင်လေ။ ပဲပြုတ်သည်ယောက်ျား။ နင့်မောင်။ ဘောလုံးပွဲကြည့်ပြီးအပြန် လမ်းမှာ ချောင်းရိုက်ခံရလို့တဲ့


အာ.. မဟုတ်ပါဘူး။ ကိုကြီးကလဲ။ ညီမလေးနဲ့တောင် စကားပြောပြီးလို့ ထမင်းတောင် စားနေတာကိုး။ သူပြန်လာပြီးမှ ညီမလေးအိပ်တာပါ။ သူပြန်လာတာက ည၁၂နာရီထဲကလေ။


အိပ်ချင်မူးတူးနဲ့ မဟုတ်တာတွေ ပြောမနေနဲ့။


ကျွန်မ ပြောတာကို ကိုကိုကြီးမယုံပါ။


ညီမလေးတကယ်ပြောတာပါဆို။ ည၁၂နာရီလောက်တုန်းက တကယ်မောင်လေးပြန်လာတာ။ သူနောက်တစ်ခေါက်အပြင်ပြန်ထွက်လို့ ရိုက်ခံရတာလား။



ကိုကိုကြီးက ကျွန်မကို ဘာမှ ပြန်မပြောတော့ပါ။ ဆေးရုံထဲသို့သာ ခြေလှမ်းကျဲကြီးများဖြင့် လှမ်းဝင်သွားလေရာ ကျွန်မမှာ မနဲ မှီအောင်ပြေးလိုက်ရသည်။ တွေ့ပြီ။ ဆေးရုံးအရေးပေါ်ခန်းထဲက ခေါင်းမှာ ပတ်တီးအဖွေးသားနဲ့ မောင်လေး။ သတိတော့ ရနေပါပြီ။ ဘေးနားမှာ ဖေဖေက မောင်လေးကိုဆူနေသည်။ မေမေကတော့ မောင်လေးကို မဆူရန် ကာကွယ်ပြောဆိုနေသည်။


မင်း သားလေ။ ဘယ်လောက် သတိပေးပေး မမှတ်ဘူး။ မင်းက ကာဆီးကာဆီးလုပ်မနေနဲ့။ ဘယ့်နှယ် တစ်ညလဲ မဟုတ်။ နှစ်ညလဲ မဟုတ်။ နေ့တိုင်း ညဘက် အပြင်ထွက်တော့ အခုတော့ဖြစ်ပြီ မဟုတ်လား။


အို..အဖေကြီးကလဲ..သားလေး ဒီလောက် ဒဏ်ရာရနေတာ..မဆူပါနဲ့တော့ ကလေးကို။


ထိုအချိန် ကျွန်မက မောင်လေးကို-


မောင်လေး..နင် ဘယ်အချိန်က အရိုက်ခံရတာလဲ။


ည၁၂နာရီလောက်ကဖြစ်မယ်။ ဘောလုံးပွဲက မကောင်းဘူးလေ။ နာမည်ကြီး အသင်းတွေကန်တာ မဟုတ်တော့ ကြည့်ရတာ ပျင်းလာတာနဲ့ စောစောပြန်လာတာ။ အဲ့မှာ..အနောက်ကနေ ဘယ်သူရိုက်လိုက်မှန်းမသိဘူး။ တစ်ခါထဲ မေ့သွားတာ။


ဒါဆို..အခု ၂နာရီ.. နင်ဆေးရုံရောက်တာ နောက်ကျတာပေါ့.. ကြားထဲမှာ ၂နာရီလောက် ကွာသွားတာ..နင့်ကို ဘယ်သူ ဆေးရုံလိုက်ပို့လဲ


ကျွန်မရဲ့အမေးကို ကိုကိုကြီးက-


ရပ်ကွက်ကင်းလှည့်သမားတွေ တွေ့လို့လေ။ သူ့ကိုအရင်ဆေးရုံပို့ပြီး အိမ်ကိုဖုန်းဆက်တာ။ မိုးကလဲ ရွာ၊ လမ်းကလဲလူပြတ်တော့ အချိန်ကြာမှ လမ်းပေါ်မှာ လဲနေတဲ့ သူ့ကိုတွေ့တာလေ။


မောင်လေး.. နင်.. နင်.. ည ၁၂နာရီ အိမ်ပြန်ပြီးမှ တစ်ခေါက်ပြန်ထွက်သွားတာလား။


ပေါက်ပေါက်ရှာရှာ အမ ကလဲ.. မပြန်ပါဘူး.. အိမ်အပြန်လမ်းမှာတင် အရိုက်ခံရတာ.. ဘယ်လိုလုပ်ပြန်နိုင်မှာလဲ..”


အေးလေ..”


မောင်လေးရဲ့အဖြေကို ကိုကိုကြီးကပါ အေးလေ.ဟု ထောက်ခံလိုက်သည်။



+++++++++++++++++++++++++++++++++++++++++++++++++++++++++



ကျွန်မ မတ်တပ်ရပ်နေရင်း ဒူးတွေချောင်လာသည်။ ဒါ ဒါဆို.. ထမင်းစားခန်းထဲမှာ တွေ့ခဲ့တာ မောင်လေးအစစ် မဟုတ်ဘူးပေါ့။ ထမင်းတွေ ပလုပ်ပလောင်းစားရင် ကျွန်မကိုရည်းစားနဲ့ ချိန်းတွေ့နေတာလားဆိုပြီး စနောက်ခဲ့တာ မောင်လေး မဟုတ်ဘူးပေါ့။ ည၁၂နာရီမှာ ကျွန်မ ထမင်းစားခန်းထဲမှာ တွေ့ခဲ့တာ မောင်လေး မဟုတ်ဘူးဆိုရင်... ဒါ..  ဒါဆို.. ဘယ်သူလဲ။ ဘယ်သူလဲ။



အားးးးးးးးးးးးးးးးးးးးးး………………



+++++++++++++++++++++++++++++++++++++++++++++++++++++++++



ကျွန်မ လောကနဲ့ ခေတ္တခဏ အဆက်သွယ်ပြတ်သွားသည်။ ထို့နောက် ကျွန်မ ပြန်သတိရလာတော့ ကျွန်မ အခန်းထဲရှိ ခုတင်ပေါ်တွင် ကျွန်မ ပြန်ရောက်နေခြင်းဖြစ်သည်။ ကျွန်မရင်ဘက်ပေါ်မှာလဲ စာအုပ်တစ်အုပ်။ ညကဖတ်သော တစ္ဆေပေးသောလက်ဆောင် စာအုပ်။



ထိုအချိန် မေမေ အခန်းထဲသို့ ၀င်လာသည်။


သမီးရေ. ထတော့လေ။ သမီးကိုကိုကြီးတောင် အလုပ်သွားပြီ။ မေမေနဲ့ဖေဖေလဲ ဆိုင်ဖွင့်ဖို့ သွားတော့မှာ။


မောင်.မောင်လေးရော..”


အထစ်ထစ်အငေါ့အငေါ့ မေးလိုက်တဲ့ ကျွန်မကို မေမေက-


ညည်းမောင်.သူ့အခန်းထဲမှာလေ။ ထုံးစံအတိုင်း မနက် မှ ပြန်လာပြီး အိပ်နေလေရဲ့။


ဒါဆို..ဒါဆို.. ညက မောင်လေး ဘာမှ မဖြစ်ဘူးနော်။


ဘာဖြစ်ရမှာလဲ။ ဘာမှ မဖြစ်ဘူးလေ။


ထိုအချိန် မေမေက ကျွန်မ ရင်ဘက်ပေါ်မှ စာအုပ်ကို ယူလိုက်ရင်း-


အဲ့လို မဟုတ်တရုတ် စာအုပ်တွေဖတ်။ ပြီးရင် စိတ်ကူးယဉ်။ ဘာမှ လဲ အကျိုးရှိတာ မဟုတ်။ အခုလဲ ကြောင်တောင်တောင်ဖြစ်မနေနဲ့။ ထတော့။ မေမေတို့ ဆိုင်သွားရတော့မှာ။ မြန်မြန်ထ။



ပြောပြောဆိုဆိုဖြင့် အခန်းထဲမှ ထွက်သွားသော မေမေ့ကိုကြည့်ရင်း ကျွန်မ ပြုံးလိုက်မိသည်။ တော်သေးတာပေါ့။ အိမ်မက်ဖြစ်နေလို့။ တော်တော်လန့်သွားတာပဲ ဟု စိတ်ထဲမှ တွေးလိုက်မိသည်။



တစ္ဆေပေးသောလက်ဆောင် စာအုပ်ကို ဖတ်ရင်း အိပ်ပျော်သွားသောကြောင့်  တစ္ဆေက တကယ်ပဲ ဒီအိမ်မက်ကို လက်ဆောင်အဖြစ် ပေးခဲ့တာလား။ ဟုတ်ချင်လဲ ဟုတ်မှာပေါ့လေ။ ဘာဖြစ်ဖြစ် လက်တွေ့မဟုတ်ပဲ အိမ်မက်ဖြစ်နေတာသောကြောင့် ထိုအိမ်မက်လက်ဆောင်ပေးသော တစ္ဆေ ကိုပင် ကျွန်မ ကျေးဇူးတင်မိပါသည်။။။

တရားခံဥယျာဉ်မှူး



“မင်္ဂလာပါ ဆရာမ”

“မင်္ဂလာပါ တပည့်တို့ရယ်”

ကျက်သရေ မင်္ဂလာရှိလှသော ဆရာမနဲ့တပည့်များ၏ နှုတ်ဆက်သံသည် ကျောင်းဝန်းထဲက စာသင်ခန်းအတွင်း ညီညီညာညာထွက်ပေါ်လာတယ်။

ကြည့်စမ်းပါဦး။ ချစ်ဖို့ကောင်းလိုက်တဲ့ကလေးတွေ။ ဒါ ကျွန်မနဲ့ ကျွန်မရဲ့ ချစ်တပည့်လေးတွေလေ။

ကျွန်မ ဒီအလုပ်ကို အမတန် ၀ါသနာပါတာ။ ဥယျာဉ်မှူးတစ်ယောက်၏ဘ၀၊ အိုးသည်လို ပုံစံကျန ခိုင်ခံစေဖို့ သေချာ စေတနာကောင်းဖြင့် ပုတ်ရိုက်ပုံသွင်းပေးရတဲ့ဘ၀၊ မိခင်တစ်ယောက်ကဲ့သို့ ပညာနို့ရည်ကို တိုက်ကျွေးပေးရတဲ့ ဘ၀။

ဒီဘ၀ကို ကျွန်မ လိုချင် တပ်မက်လွန်းလို့ ကြိုးစားခဲ့ရတာ။ ငယ်ငယ်လေးကတည်းက ကြီးလာရင် ဆရာမ လုပ်မယ်ဆိုတဲ့ စိတ်ကူးကို အခိုင်အမာတည်ဆောက်ခဲ့တာ။ အခုတော့ ကျွန်မဆန္ဒဖြစ်မြောက်လာပြီ။ နယ်မြို့လေးတစ်မြို့ရှိ အခြေခံပညာအထက်တန်းကျောင်းမှာ ပဉ္စမတန်းပြ ဆရာမတစ်ဦးအဖြစ် ကျွန်မ စာသင်ပြခြင်းဖြစ်ပါတယ်။

ကျွန်မ တပည့်လေးတွေကို ကျွန်မ အရမ်းချစ်တယ်။ သူတို့ကို ပညာရေးသာမက စိတ်ဓာတ်၊ လူမှုရေး၊ တစ်ကိုယ်တော်သန့်ရှင်းရေး၊ ပတ်ဝန်းကျင် သန့်ရှင်းရေး အပြင် ပြင်ပက အထွေထွေ ဗဟုသုတ တွေပါ ကျွန်မ သင်ပေးတယ်။

တပည့်လေးတွေကလဲ ကျွန်မအပေါ် ချစ်ကြပါတယ်။ ကျွန်မ စကားကိုနားထောင်ကြတယ်။ 
သူတို့လေးတွေရဲ့ စေတနာနဲ့ တက်နိုင်သမျှ ပိုက်ဆံလေးတွေစုပြီး မည်သူမှ မတိုက်တွန်းရပဲ သီတင်းကျွတ်ညမှာ ကျွန်မကို အအေးနဲ့မုန့်တွေ နဲ့ လာကန်တော့တုန်းက ကျွန်မလေ အရမ်းကြည်နူးမိတာ။ သူတို့လေးတွေကို တစ်ယောက်ဘယ်လောက်ဆိုပြီး ညီတူညီမျှ မုန့်ဖိုးပြန်ပေးတာ ကျွန်မရဲ့ တစ်လစာ လခ ကုန်ပါလေရော။ ဒါပေမဲ့ ကျွန်မ ရလိုက်တဲ့ကြည်နူးမှုက ကျွန်မ ဘယ်အရာနဲ့မှ လဲလို့မရဘူးလေ။
သူတို့လေးတွေအပေါ် ကျွန်မ စေတနာထားမိတယ်။ အဲ့ဒီ့ ကျွန်မစေတနာက ကျွန်မအပေါ် တန်ပြန်အကျိုးပေးရမယ်လို့ ကျွန်မ မမျှော်လင့်ဘူး။ ကျွန်မလေ … ကျွန်မ တပည့်လေးတွေဆီက ဘာဆို ဘာမှ မမျှော်လင့်ခဲ့တာ။ ဒါကို သူတို့လေးတွေ နားလည်ပါတယ်။ သိကြပါတယ်။ တချို့တလေကလွဲရင်ပေါ့လေ။ ဒါပေမဲ့ အဲ့လို တချို့တလေကပဲ ကျွန်မ နှလုံးသားကို ဓားနဲ့ ခပ်ဆွဆွ အမြဲထိုးတက်ကြတယ်။

ထိုးမဲ့ထိုးတော့လဲ နာကျင်အောင်ဓားနဲ့ဆွခဲ့တဲ့အတွက် ကျွန်မ နှလုံးသားက ခံနိုင်ရည်မရှိခဲ့ပါဘူး။ ကျွန်မ မမျှော်လင့်ထားတဲ့ပြသနာက ကျွန်မကို ရန်ရှာခဲ့လိုက်တာ ကျွန်မ ဘ၀အတွက် တစ်သက်စာအမှတ်ရစရာပေါ့။

*****************************************************************************************************************************************

“ဆရာ၊ ဆရာမတွေက ကျောင်းသူကျောင်းသားတွေအပေါ် ဘက်မလိုက်ပဲ ညီတူညီမျှ ဆက်ဆံရမယ်ဆိုတာ ဆရာမ အနေနဲ့ သိသင့်ပါတယ်…”

ကျွန်မ ဘယ်လိုပြန်ပြီးရှင်းပြရမလဲ။ ကျောင်းအုပ်ဆရာကြီးက ကျွန်မအပေါ် ကောင်းကောင်းမွန်မွန်နဲ့ ပြောပေမဲ့ ကျွန်မရင်ထဲမှာ လေးလံနေတယ်။ အမှန်က ကျွန်မ မှားတယ်ဆိုတာ ဟုတ်ချင်လဲဟုတ်မယ်။ ဒါပေမဲ့ ကျွန်မ မှားတာက စေတနာအမှားပဲ ဖြစ်မှာပါ။

“ကလေးတွေကို မရိုက်ရဘူးလို့ စည်းကမ်းထုတ်ထားရင် မရိုက်ပါနဲ့ ဆရာမ… ဒီအဖြစ်အပျက်မှာ ဆရာမ မှားတယ်လို့ပဲ ကျွန်တော်ပြောချင်တယ်… ဆရာမက ကရုဏာ ဒေါသောနဲ့ ရိုက်တာဖြစ်ပေမဲ့ တချို့မိဘတွေက သူတို့သားသမီးကို လူဆိုးလူမိုက်ဖြစ်အောင် သူတို့ကိုယ်တိုင်လမ်းပြနေကြတော့ ကျွန်တော်တို့ ဘာတတ်နိုင်မှာလဲဆရာမရယ်…”

ကျွန်မ ရင်ထဲက ဝေဒနာအတိမ်အနက်ကို ခန့်မှန်းမိပေါ်ပုံသည့် ကျောင်းအုပ်ဆရာကြီးက ကျွန်မကို ဒီလောက်ပဲပြောကာ ကျွန်မကိုသူ့ရုံးခန်းထဲမှ ပြန်လွှတ်လိုက်ပါတယ်။

စေတနာသည် လူတိုင်းနဲ့ မထိုက်တန်ဆိုတဲ့စကားက ကျွန်မအတွက် မှန်နေမလား။

*****************************************************************************************************************************************

ပြောရရင် ကျွန်မအခုစာသင်တဲ့ အထက်တန်းကျောင်းတည်ရှိရာ နယ်မြို့လေးမှာ နေထိုင်တဲ့သူ တော်တော်များများပြည့်စုံကြပါတယ်။ ကျွန်မအတန်းထဲက ကလေးတွေလဲ ၃ပုံ ၁ပုံလောက်ပြည့်စုံကြတဲ့ ကလေးတွေပါပဲ။ ဒါပေမဲ့ ကျွန်မစိတ်ထဲမှာ သူတို့ကလေးတွေပြည့်စုံသည်ဖြစ်စေ မပြည့်စုံသည်ဖြစ်စေ ကျွန်မအားလုံးကို တန်းတူဆက်ဆံပါတယ်။ ကျွန်မ ဆီမှာ ကျူရှင်မသင်နိုင်တဲ့ကလေးတွေကိုလဲ စနေ တနင်္ဂနွေပိတ်ရက်မှာ ပညာဒါန အနေနဲ့ ကျွန်မ အခမဲ့ ကျူရှင်သင်ပေးပါတယ်။

အခုဖြစ်တဲ့ ပြသနာက ငယ်ငယ်ဆိုတဲ့ ကလေးမလေး ကို ကျွန်မ ရိုက်မိတဲ့ ပြသနာ။ ကျွန်မ ကလေးတွေကို ရိုက်ခဲပါတယ်။ စာမေးလို့ မရရင်တောင် လက်မြှောက်ခိုင်းတာဖြစ်ဖြစ် ၊ ထိုင်ထ လုပ်ခိုင်းတာပဲဖြစ်ဖြစ် အပြစ်ဒဏ်တစ်ခုခုကို ပေးတာက လွဲရင် ကျွန်မ ကလေးတွေကို မရိုက်ရက်ခဲ့ဘူး။ ကလေးတွေကို နားဝင်အောင် နားလည်အောင် ကျွန်မကောင်းကောင်းမွန်မွန်ဆုံးမတယ်။

ငယ်ငယ်က ကျွန်မအတန်းထဲက တပည့်တွေထဲမှာ အဆင်းရဲဆုံး။ အဖေက ဆိုက်ကားသမား အမေက ပဲပြုတ်သည်၊ သားသမီးက ၃ယောက် အကြီးဆုံးသမီးငယ်ငယ်က ကျွန်မရဲ့ ကျောင်းသူတပည့်။ ဆင်းရဲပေမဲ့ ငယ်ငယ်က စာတော်တယ်။ အတန်းထဲမှာ ပထမ သို့မဟုတ် ဒုတိယ နေရာလိုက်တယ်။ သူ့ရဲ့ပြိုင်ဘက်က န၀မတန်းကဆရာမတစ်ယောက်ရဲ့ သမီး ရွှေရည်။ ရွှေရည်တို့က ချမ်းသာတော့ ကျွန်မဆီမှာ ကျူရှင်တက်တယ်။ ငယ်ငယ်ကိုတော့ ကျွန်မ က ပညာဒါနအဖြစ် အလကားသင်ပေးတယ်။ ဒါပေမဲ့ ကျွန်မက တပည့်နှစ်ယောက်စလုံးအပေါ် တန်းတူပဲဆက်ဆံတယ်။ ပညာသင်ပေးတော့လဲ အတူတူပဲသင်ပေးတယ်။ ရွှေရည်ကို ချမ်းသာလို့ဆိုပြီး ပိုပြီးမသင်ပေးဘူး။ ကျွန်မရင်ထဲက မေတ္တာတရားကို ဘယ်သူမှ မသိရင်နေ ကျွန်မ ကိုယ်စောင့်နတ် သိတယ်။ ကျွန်မသစ္စာဆိုရဲတယ်။ ငယ်ငယ့်ကို ဆင်းရဲလို့ဆိုပြီး နှိမ်ပြီးဆက်ဆံတာ တစ်ခါမှ မရှိခဲ့ဘူး။ ဒါကို ဘာကြောင့် လူတွေနားမလည်ပေးရတာလဲ။

အမှန်တိုင်းဝန်ခံရရင်တောင်ငယ့်ငယ့်ကို ကျွန်မက ပိုပြီးစေတနာထားမိပါတယ်။ ငယ်ငယ်ရဲ့ မိဘတွေ သိသည်ဖြစ်စေ မသိသည်ဖြစ်စေ ငယ်ငယ်လိုအပ်တဲ့ ကျောင်းသုံးပစ္စည်းမှန်သမျှ ကျွန်မ ဖြည့်ဆည်းပေးခဲ့ပါတယ်။ ငယ့်ငယ်ကျောပိုးအိတ်လေး ပြဲနေတုန်းက ကျွန်မ လစာလေးဖြင့် ကျောပိုးအိတ်အသစ်ဝယ်ပေးခဲ့တာတွေ၊ တစ်ခါတစ်လေ အိမ်က ထမင်းမကျက်သေးလို့ ထမင်းမစားရသေးဘဲ ကျောင်းလာမှန်းသိတဲ့အခါ ကျွန်မ ထမင်းဘူးကနေ ငယ့်ငယ့်ကို မျှဝေ ကျွေးခဲ့တာတွေက အစ၊ ညဘက် မီးမလာလို့ စာကျက်ဖို့ ဖယောင်းတိုင်မရှိမှာစိုးလို့ ဖယောင်းတိုင်အစ ခြင်ဆေးခွေပါ မကျန် ငယ့်ငယ့်အတွက် ကျွန်မ လုပ်ပေးမိတယ်။ ကျွန်မ စိတ်ထဲမှာ စာတော်တဲ့စာကြိုးစားတဲ့ကလေးတစ်ယောက် မပြည့်မစုံမှုကြောင့် ကြိုးစားချင်စိတ်တွေ လျော့သွားမှာကို မလိုလားခဲ့ပါဘူး။

လုပ်ဖော်ကိုင်ဖက် ဆရာမအချင်းချင်းတောင် ကျွန်မကို ပြောယူရတဲ့အထိ ကျွန်မ ငယ့်ငယ့်ကို ကောင်းခဲ့ပါတယ်။ ချမ်းသာတာလဲလူ၊ ဆင်းရဲတာလဲလူပါပဲ။ ဆင်းရဲပေမဲ့ စာကြိုးစားတဲ့ကလေးမို့ ငယ်ငယ့်ကို ကျွန်မ မြေတောင်မြှောက်ပေးချင်ခဲ့မိတာ။

ကျွန်မ စေတနာတွေကို ဘယ်သူ အသိမှတ်ပြုပြု မပြုပြု ကျွန်မ အပြုံးမပျက်ဘူး။ ငယ်ငယ့်မိဘတွေ သိသိ မသိသိ ကျွန်မ ဂရုမစိုက်ဘူး။

မပြေလည်တဲ့စီးပွားရေးကို နင်းကန်ကြိုးစားလုပ်ဆောင်ရင်းသားသမီးရဲ့ပညာရေးကို မေ့နေတဲ့ ငယ့်ငယ့်မိဘတွေရဲ့တာဝန်ကို ဒီလို ကျွန်မက ပခုံးတစ်ဖက်ဝင်လျှိုခဲ့မိတဲ့စေတနာသည် မှားခဲ့မယ်လို့ ကျွန်မ မထင်ခဲ့မိတာ။

*****************************************************************************************************************************************

“ကဲ.. ကိုယ့်အပြစ် ကိုယ်သိတယ်နော်...."

ငြိမ်သက်နေသောအခန်းထဲတွင် ဒေါသမထွက်စဖူးထွက်နေတဲ့ ကျွန်မရဲ့အော်ဟစ်တဲ့အသံကြောင့် ကျောင်းသူကျောင်းသားများ စိုးရိမ်ထိတ်လန့်စွာ ကျွန်မမျက်နှာကိုမော့ကြည့်နေကြပါတယ်။

ရွှေရည့်ကို သူ့အမေ၀ယ်ပေးတဲ့ ရွှေရောင်လက်ပတ်နာရီလေးပျောက်တဲ့အမှုကြောင့် ကျွန်မ အတန်းထဲက ကလေးတွေ အကျင့်စာရိတ္တမကောင်းဘူးဆိုတဲ့ နာမည်ပျက်ကို ကျွန်မ မလိုချင်တာ။ အထူးသဖြင့် ရွှေရည်အမေကိုယ်တိုင်က ဆရာမဖြစ်နေသောကြောင့် ဆရာမ အချင်းချင်း ကိုယ့်အတန်းထဲက ကလေးကို ကိုယ်မဆုံးမနိုင်ဘူးလားဆိုတဲ့စကား ထွက်ပေါ်လာပါက ကျွန်မ ကိုယ့်ကိုကိုယ်ယူကြုံးမရ ဖြစ်နေမှာ။

နောက်ပြီး တရားခံက ကျွန်မတပည့်လေး ငယ်ငယ်။ ငယ်ငယ်မို့လို့ ကျွန်မ ပိုပြီး ယူကြုံးမရဖြစ်ကာ ဒေါသထွက်မိပါတယ်။

ကြည့်စမ်း။ ကျွန်မကတော့ လိမ်မာတဲ့ကလေး စာတော်တဲ့ကလေး စာရိတ္တကောင်းတဲ့ကလေးဆိုပြီး ငယ်ငယ့်အပေါ် သနားချစ် နဲ့ ချစ်လိုက်ရတာ။ ငယ်ငယ့်အတွက် လုပ်ပေးလိုက်ရတာ။ ဒါတွေကို ဒီလိုပုံစံမျိုးနဲ့ ငယ်ငယ်တစ်ယောက်ကျေးဇူးပြန်ဆပ်တာလား ဆိုပြီး ကျွန်မ တော်တော်ဒေါသဖြစ်မိပါတယ်။

ကဲ… အခုတော့ တရားခံလဲသိပြီ။ ကလေးတွေအကုန်လုံးကို အပြင်ထွက် တန်းစီမတ်တပ်ရပ်ခိုင်းပြီး သူတို့ရဲ့ လွယ်အိတ်တွေကို ရှာလိုက်တဲ့အခါ ငယ့်ငယ့်လွယ်အိတ်ထဲကနေ ရွှေရည့် လက်ပတ်နာရီလေးထွက်လာခြင်းဖြစ်ပါတယ်။

ငယ်ငယ့်ကိုမေးတဲ့ အခါ ငယ်ငယ်ကလဲ သူ ခိုးမိပါတယ် ဟု ၀န်ခံပါတယ်။ ဒါပေမဲ့ ငယ်ငယ်မျက်ရည်တွေကျပြီး ကျွန်မကို တောင်းပန်သလိုကြည့်ပါတယ်။ ဒါကြောင့် ငယ့်ငယ့်ရဲ့ အသနားခံနေတဲ့ မျက်နှာကို ကြည့်ရင်း တစ်ခုခုကို ကျွန်မသဘောပေါက်မိကာ ကျွန်မ ငယ့်ငယ့်ကို မရိုက်ချင်ခဲ့ပေမဲ့ နောက်တစ်ခါ အခုလိုမျိုးမဖြစ်အောင် ကျန်တဲ့သူတွေ သင်ခန်းစာယူလို့ရအောင် ငယ်ငယ့်ခြေသလုံးကို ကြိမ်လုံးနဲ့ ၅ချက် ရိုက်လိုက်မိပါတယ်။

ကျွန်မ ရိုက်တာကို အံကြိတ်ခံနေတဲ့ငယ်ငယ်ဟာ အဲဒီ့နေ့ ကျောင်းလွှတ်ချိန်မှာတော့ ကျွန်မတို့ရဲ့ ဆရာ ဆရာမတွေ နားနေခန်းကို လာရောက်ပြီး ကျွန်မကိုတောင်းပန်ခဲ့ပါတယ်။

“သမီး မှားပါတယ် ဆရာမရယ်.. သမီးကို အထင်မသေးပါနဲ့.. ရွှေရည်က သူ့မေမေက သူပထမဆုရတုန်းက ဆုချတဲ့လက်ဆောင်ဆိုပြီး သမီးကိုလာကြွားပါတယ်…နောက်ပြီး နင်ပထမဆုရတုန်းက နင့်မိဘတွေ နင့်ကို ဘာဆုမှ မပေးဘူးမဟုတ်လားဆိုပြီးလဲ…မခံနိုင်အောင်ပြောလို့.. သူစိတ်ဆင်းရဲပါစေဆိုတဲ့စိတ်နဲ့…သူ့နာရီလေးကို ခိုးလိုက်မိတာပါ…သမီးစိတ်ထဲ နာရီလိုချင်စိတ်ထက်..သူ့စကားတွေကို မခံချင်လို့..တမင်လုပ်တာပါ ဆရာမရယ်… သမီး သူခိုးမဟုတ်ပါဘူး……..”

ငယ်ငယ့်ရဲ့စကားတွေကိုနားထောင်ရင်း ကျွန်မလဲ မျက်ရည်ကျမိပါတယ်။

“သမီးငယ်ငယ်..သမီးကို ဆရာမ လိုအပ်တာဖြည့်ဆည်းပေးတာပဲမဟုတ်လား.. အဲဒါ သမီးစာတော်လို့..သမီးလိမ္မာလို့.. အခုလိုအပြုအမူကိုသမီးပြုလုပ်လိုက်တာကတော့ အရမ်းရုပ်ဆိုးတယ်..ဆရာမ စေတနာကို သမီး စော်ကားလိုက်တာ… နောက်ဆို ဘယ်သူကပဲ မခံချင်အောင်ပြောပြော သမီး ဆရာမကို လာပြော..အခုလို သမီးကျူးလွန်တဲ့အပြစ်က ပထမဆုံးနဲ့နောက်ဆုံးဖြစ်ပါစေနော်…”

“ဟုတ်ကဲ့ပါဆရာမ…”

ငယ်ငယ့်ကို ကျွန်မ အပြစ်မမြင်ပါဘူး။ ဖြစ်တတ်ပါတယ်လို့ပဲ သဘောထားလိုက်ပါတယ်။ ငယ်ငယ်ကိုယ်တိုင်ကလဲ သူ့အမှားသူသိလို့ ၀န်ခံတောင်းပန်ခဲ့ပြီးပြီလေ။ အဲ့နေ့ညနေက ငယ့်ငယ့်ကို ရိုက်မိတဲ့အတွက် ကျွန်မ စိတ်မကောင်းဖြစ်ရတယ်။ ငယ့်ငယ့်အပေါ်လဲ သနားစိတ်ဝင်မိတယ်။ ဒါကြောင့် ငယ့်ငယ့်ကို ကျွန်မ မုန့်ဖိုးပေးပြီး အိမ်ပြန်လွှတ်လိုက်တယ်။

*****************************************************************************************************************************************

ဒီပြသနာက ပြီးပြီထင်ပေမဲ့  နောက်တစ်နေ့မှာ ငယ်ငယ်ကျောင်းလာမတက်ခဲ့ပါဘူး။

ကျွန်မကတော့ ရိုးရိုးသားသား နေမကောင်းဖြစ်တယ်ထင်ပြီး ညနေ့ကျောင်းဆင်းချိန်မှာ ငယ့်ငယ့်တို့အိမ် လိုက်သွားခဲ့ပေမဲ့ တစ်အိမ်လုံးဘယ်သူ့မှ မရှိပဲ အိမ်တံခါးကြီးသော့ခတ်ထားတာကို တွေ့ရပါတယ်။

ဒါပေမဲ့ နောက်နေ့မနက်ကျောင်းရောက်တယ်ဆိုတာနဲ့ ကျောင်းအုပ်ကြီးရုံးခန်းကိုတိုင်စာရောက်တယ်ဆိုလို့ ကျွန်မ ကျောင်းအုပ်ဆရာကြီးကို သွားတွေ့ခဲ့ရတယ်။

ငယ်ငယ့်အမေက သူ့သမီးကို ရိုက်လို့၊ ချမ်းသာတဲ့ကလေးဘက်က လိုက်ပြီး သူ့သမီးကျတော့ မညှာမတာ ရိုက်ပုတ် နှိပ်စက်ပါတယ် ဆိုပြီး တိုင်စာတစ်စောင်ရောက်လာသောကြောင့်ပင်။

ဘုရားရေ။ ကျွန်မ ရိုက်လိုက်တာ ငယ့်ငယ့်ခြေသလုံးကို ၅ချက်ပါ။ မတရားနှိပ်စက်တာလဲ မဟုတ်ရပါဘူး။ ငယ်ငယ့်အပြစ်လုပ်လို့ အပြစ်ပေးတာပါ။ ဒါ ဆရာမ တစ်ယောက်အနေနဲ့လုပ်သင့်တယ် ထင်လို့ ကျွန်မ အပြစ်ပေးမိတာ ကျွန်မ အမှားလား။
အခုတော့ ငယ်ငယ့်အမေက ကျွန်မရဲ့ရိုက်နှက်ဆုံးမမှုတွေကြောင့် သူ့သမီးကိုကျောင်းထုတ်ပြီးအပြင်မှာပဲ ဈေးရောင်းခိုင်းတော့မယ်တဲ့။

ဟင့်အင်း။ ဒါမဖြစ်သင့်ဘူး။ ကျွန်မ ရိုက်လိုက်တာ ကလေးကို ဆုံးမတာ။ အမြင်ကတ်လို့လုပ်တာမှမဟုတ်တာ။ နောက်ပြီး ကျွန်မ ရဲ့ ရိုက်နှက်မှုကြောင့် ကလေးကျောင်းထွက်ရမယ်ဆိုတာ မဖြစ်သင့်ဘူး။

ဒါကြောင့် ကျွန်မရဲ့ ဆရာမ သိက္ခာကို အကျခံပြီး ငယ်ငယ့်မိဘတွေအိမ်ကို ကျွန်မ မှားပါတယ်၊ ကလေးကို ရိုက်မိတာ ကျွန်မ အမှားပါ ဆိုပြီး တောင်းပန်ဖို့ ကျွန်မ လိုက်သွားခဲ့တယ်။

ငယ်ငယ်တို့အိမ်ရောက်တော့ ငယ်ငယ့်အမေရဲ့ အော်ဟစ်ပြောဆိုမှုတွေကို ကျွန်မ သည်းခံပြီး ငယ့်ငယ့်ကိုကျောင်းမထုတ်ဖို့ အမျိုးမျိုးတောင်းပန်ပါတယ်။ စာတော်တဲ့ငယ်ငယ့်ရဲ့ ပညာရေးကို ကျွန်မ အဆုံးရှုံးမခံနိုင်ပါ။ ဒါပေမဲ့ ငယ်ငယ်အမေက ကျွန်မ ကို အော်ဟစ်ကာ အိမ်အပြင်ကို အတင်းဆွဲထုတ်ခဲ့ပါတယ်။

အိမ်အပြင်ဘက်မှာ တစ်နာရီလောက်ကြာတဲ့အထိ မလှုပ်မရှားမတ်တပ်ရပ်နေတဲ့ ကျွန်မကို သနားလို့ထင်ပါရဲ့။ ငယ်ငယ့်အဖေက ကျွန်မအနားလာပြီး-

“ပြန်ပါတော့ ဆရာမရယ်… ဒါ ဆရာမ အပြစ်မဟုတ်ပါဘူး… ကျွန်တော့်မိန်းမက အစကတည်းက ငယ်ငယ့်ကိုကျောင်းထုတ်ချင်တာပါ… အကြောင်းပြချက် ပေးစရာမရှိလို့သာ..ငယ်ငယ့်ကိုကျောင်းထုတ်ပြီး မြို့က အဒေါ်အိမ်ဆီမှာ ၀ိုင်းလုပ်ဝိုင်းစားသဘောမျိုးနဲ့သွားထားမယ်.ကျွန်တော်တို့လဲ ငယ်ငယ့်ဆီက အထောက်အပံ့နည်းနည်းရလဲ နည်းလား ဆရာမရယ်…ငယ့်ငယ့်အောက်က လူမမယ်ကလေး၂ယောက်က ချူချာတယ်လေ.. အခုတော့ ဆရာမကြောင့် သူ အကြောင်းပြချက်ရပြီး ငယ့်ငယ့်ကို ကျောင်းထုတ်လိုက်တာပါ…မနေ့ကပဲ ကျွန်တော်တို့ ငယ်ငယ့်ကိုမြို့လိုက်ပို့လိုက်ပါပြီ… ငယ်ငယ်ကဆို တငိုငို တရယ်ရယ်နဲ့ ကျောင်းတက်ချင်လို့ ဖြစ်နေတာ… အဖြစ်အပျက်အားလုံးကိုလဲ ကျွန်တော်သိပြီးပါပြီ.. ဆရာမကိုလဲအပြစ်မမြင်ပါဘူး… ဆရာမ.. ပြန်ပါတော့နော်…”

ငယ်ငယ့်အဖေပြောတဲ့စကားတွေက အဓိပ္ပါယ်မရှိဘူးလို့ ကျွန်မ ရင်ထဲကနေ ပြောနေပေမဲ့ ကျွန်မ ဘာများ တတ်နိုင်ဦးမလဲ။

ကျွန်မက ဥယျာဉ်မှူး တစ်ယောက်ဖြစ်ချင်ခဲ့တာ။ ဒီပန်းလေးကို ကျွန်မ ပြုစုပျိုးထောင်ခဲ့တာ။ ဒီပန်းလေးအတွက် ကျွန်မ စေတနာထားခဲ့တာ။ အခုတော့ အဲ့ဒီ့ပန်းလေးကိုပြုစုတဲ့ ဥယျာဉ်မှူး ကျွန်မက ပန်းလေးတစ်ပွင့်ကိုတောင် မကယ်တင်နိုင်တော့ဘူးတဲ့လား။ ကျွန်မက တရားခံဥယျာဉ်မှူး တစ်ယောက်လား။ အားလုံးက ကျွန်မရဲ့အပြစ်တွေလား။။။