နေမင်း၏ရှိုက်သံ

on Monday 8 April 2013


"ငယ်စဉ်က ကလေးတို့ဘ၀မှာ.... ပျော်ပါးဖို့ရာ... လွယ်ပါတယ်... ကိုယ်ရတာနဲ့... တင်းတိမ်ရောင့်ရဲ... စားချိန်မှာ.. ၀င်စားမယ်.. အိပ်ချိန်မှာ... ၀င်အိပ်မယ်... အပူအပင်ကင်းတဲ့... ကလေးလေး ဘ၀ကို... တစ်ခါပြန်ပြီး.. ရချင်သေးတယ်... အချစ်မသိသေးတဲ့... ကလေးလေးဘ၀ကို... တစ်ခါပြန်ပြီး... ရောက်ချင်သေးတယ်..."

 "အမလေး မောင်အေးတို့များ ကလေးကိုသီချင်းဆိုပြီးသိပ်ပါဆို ဒီတစ်ပုဒ်ပဲဆိုတယ်..."
  
"ဟာဗျာ.. မမမေကလဲ ကျွန်တော်လဲ အဲ့ဒီ့သီချင်းပဲရတာကို..."
 
ရှက်ရှက်နဲ့ ပြန်ပြောသော ကျွန်တော့်ရဲ့ စကားကြောင့် မမမေက
 
"ဟုတ်ပါပြီ.. ဟုတ်ပါပြီ.. မောင်အေးရယ်.. နင်တို့သားအဖ၂ယောက်ထဲလောကမှာရှိနေသလိုပဲ..ငါ အစ်မ တစ်ယောက်လုံးရှိပါသေးတဲ့ဟဲ့..တကတည်းတော်....သူ့သမီးကို ချစ်လိုက်တာ တုန်လို့..."
 
"ကဲကဲ.မမမေ စကားမများနဲ့တိတ်တိတ်နေ.. သမီးလေး အိပ်ပျော်တော့မယ်...မမမေ ဈေးသွားမလို့မဟုတ်လား.. ရော့ရော့ပိုက်ဆံယူသွား..သမီးအတွက် နို့မှုန့်ဝယ်ခဲ့ဖို့မမေ့နဲ့နော်..."
 
ကျွန်တော်လှမ်းပေးတဲ့ ပိုက်ဆံကိုယူရင်း မမမေ ဈေးသို့ ထွက်သွားသည်။
 
"အပူအပင်ကင်းတဲ့... ကလေးလေး ဘ၀ကို... တစ်ခါပြန်ပြီး.. ရချင်သေးတယ်... အချစ်မသိသေးတဲ့... ကလေးလေးဘ၀ကို... တစ်ခါပြန်ပြီး... ရောက်ချင်သေးတယ်..."

ကျွန်တော့်သီချင်းသံလေးကို နားထောင်ရင်း သမီးလေး နှစ်နှစ်ခြိုက်ခြိုက်အိပ်ပျော်သွားတာကိုကြည့်ရင်း ကျွန်တော် ရင်ထဲ ကြည်နူးမိသည်။

=======================================================================

"ဖေကြီး..ဖေကြီး သမီးဒီလလဲ အတန်းထဲမှာ ပထမရတယ်သိလား.."
 
"ဟာ.. ဟုတ်လား.. ဖေကြီးသမီးလေးက တော်လိုက်တာ..ကဲ..ပြော.. သမီးဘာလိုချင်လဲ.. ဘာစားချင်လဲ..."

"ကြေးအိုးစားချင်တယ် ဖေကြီး..ဟက်ပီးဝေါလ်လဲ လိုက်ပို့ပေး...နောက်ပြီး သမီးကို ဂါဝန်လှလှလေး ၀ယ်ပေးနော်...နော်..လို့..."

၅တန်းကျောင်းသူ သမီးလေးရဲ့ ချစ်စဖွယ် အပြောအဆိုလေး ဖြစ်ပါသည်။

ကျွန်တော့်သမီးက ငယ်ငယ်လေးကတည်းက စာအရမ်းတော်ပါသည်။
  
အမြဲတမ်း အတန်းထဲမှာပထမ ရတတ်သလို ပထမရတိုင်းလဲ ကျွန်တော့်ကို တစ်ခုမဟုတ်တစ်ခု ပူဆာတတ်တဲ့ သမီးလေးရဲ့ လိုအင်ဆန္ဒမှန်သမျှကို ဖြည့်ဆည်းပေးလိုက်တိုင်း သမီးလေးပျော်ရွှင်နေသလို ကျွန်တော်လဲ သမီးလေးနဲ့ ထပ်တူ ပျော်ရွှင်မိပါသည်။
 
"၀ယ်ပေးမှာပေါ့ သမီးရဲ့... သမီးဖြစ်ချင်တာဖြစ်ရမယ်...သိလား.."
 
"ဟေး....... ဒါမှ သမီးချစ်တဲ့ဖေကြီး... ဟေး..ဟေး..."
  
ကျွန်တော့်ကိုဖက်ရင်း ၀မ်းသာအားရအော်နေတဲ့ သမီးလေးကို ကျွန်တော်ကလဲ ပြန်ဖက်ထားရင်း ကျွန်တော်တို့သားအဖ နှစ်ယောက် ပျော်ရွှင်စွာ ရယ်မောလိုက်သည်။

=======================================================================

 သမီးလေး နာမည်က ရွှေရည်မောင်။
 
သမီးလေးကို နိုဝင်ဘာလမှာ မွေးဖွားခဲ့သည်။
 
သမီးလေးရဲ့ အမေကတော့ သမီးကိုမွေးပြီးပြီးချင်း ဆုံးသွားခဲ့တော့ ကျွန်တော့်နဲ့သမီးလေး အဖေတစ်ခု သမီးတစ်ခု ဘ၀ဖြင့် ဆက်လက်နေထိုင်ခဲ့သည်။

 အသက်၂၇နှစ်ဖြင့် မုဆိုးဖိုဖြစ်ခဲ့သော ကျွန်တော့်ကို ပတ်ဝန်းကျင်မှ တစ်ပင်လဲမူ တစ်ပင်ထူဟု ပြောခဲ့သော်လည်း သမီးလေးဘ၀ မိထွေးမျက်နှာကြည့်နေမဲ့ဘ၀မျိုးကို ကျွန်တော်မလိုလားခဲ့ပါ။
 
ကျွန်တော့်ဘ၀ တစ်ခုလုံး သမီးလေးအတွက်သာဟု ကျွန်တော် ကိုယ့်ကိုကိုယ်ခံယူထားခဲ့သည်။
ထို့ကြောင့် ကျွန်တော်ရယ် သမီးလေးရယ် ကျွန်တော့်အစ်မရယ်.. ကျွန်တော်တို့၃ဦး ပျော်ရွှင်စွာ နေထိုင်ခဲ့ကြသည်။

"ဖေကြီး... ဘာတွေ စဉ်းစားနေတာလဲဟင်..."

 အိမ်ရှေ့ကုလားထိုင်တွင် ထိုင်ရင်း အတိတ်ကိုပြန်လည်သတိနေမိသော ကျွန်တော့်ကို သင်တန်းက ပြန်လာသော သမီးလေးက မေးလိုက်ခြင်းဖြစ်သည်။
 
"ဒီလိုပါပဲ သမီးရယ်.. သမီး သင်တန်းက ပြန်လာပြီလား.."
 
"ဟုတ် ဖေကြီး.. "

 "စာတွေလိုက်နိုင်ရဲ့လား သမီးရဲ့.."

"လိုက်နိုင်တာပေါ့ ဖေကြီးရဲ့ ဖေကြီးသမီးကတော်ပြီးသားပဲလေ.."

ကိုယ့်ကိုကိုယ်ဂုဏ်ယူဝင့်ကြွားစွာပြောနေသော သမီးကိုကြည့်ရင်း သမီးအလိမ်မာလေးရထားတဲ့အတွက် ကျွန်တော် ကိုယ့်ကိုကိုယ်ကျေနပ်နေမိသည်။

သမီးလေးသည် ဆယ်တန်းကို ဘာသာစုံ ဂုဏ်ထူးဖြင့်အောင်ကာ ဆေးကျောင်းတတ်နိုင်သော်လည်း သမီးလေးက နိုင်ငံခြားသို့ စကောလားရှစ်ဖြင့် စာသွားသင်ချင်စိတ်သာ ရှိခဲ့သည်။
 
ထို့ကြောင့် သမီးလေး ဆရာတွေရဲ့ အဆက်အသွယ်တွေဖြင့် အပြင်သင်တန်းတွေတက်ရင်း နိုင်ငံခြားစကောလားရှစ်ဖြေဖို့ကြိုးစားနေခြင်းဖြစ်သည်။
 
"သမီးစာမေးပွဲ ဘယ်တော့လဲ သမီး.."
 
"နောက်တစ်လဆိုဖြေရပြီဖေကြီး.ဖြေပြီး၃လအတွင်း အဖြေထွက်မယ်.. အောင်ရင် သမီး သြစတေးလျမှာ စကောလားရှစ်နဲ့ ပညာသင်ခွင့်ရပြီ ဖေကြီး.."
 
တက်ကြွစွာပြောနေသော သမီးကို ကြည့်ရတာ သမီး အရမ်းပျော်ရွှင်နေမှန်းသိသာပါသည်။

=======================================================================

"ဟဲ့မောင်အေး.. ဘာတွေငိုင်နေတာလဲ..."

မမမေက မေးလိုက်ခြင်းဖြစ်သည်။

"သမီးလေး စကောလားရှစ် ရတယ်တဲ့သိလား..."

 "အေးလေ.. အဲဒါ ၀မ်းသာရမှာလေ.. နင်က ဘာလို့ လင်းတကြီးလိုမှိုင်နေတာလဲ.."
 
"ကျွန်တော် ၀မ်းသာပါတယ် မမမေရာ.. ငယ်ငယ်လေးကတည်းက လိမ်မာပြီးစာကိုပဲတစ်စိုက်မတ်မတ်ကြိုးစားခဲ့တဲ့ သမီးလေးကြောင့်  ၀မ်းသာသလို ဂုဏ်လဲယူမိပါတယ်.. ဒါပေမဲ့...ဒါပေမဲ့..."
 
ကျွန်တော်လေသံထဲတွင် ရှိုက်သံများပါလာခဲ့သဖြင့် ကျွန်တော့်စကားကို ခဏရပ်ပစ်လိုက်သည်။

"ဒါပေမဲ့ ဘာဖြစ်လဲ..."

"သမီးလေးကိုကျွန်တော် စိတ်မချဘူး.. သမီး..သမီးလေးနဲ့ ခွဲပြီးမနေနိုင်ဘူး..."
 
လေသံပျော့ပျော့လေးဖြင့်ပြောနေသော ကျွန်တော့်စကားကြောင့် မမမေ သဘောပေါက်သွားဟန်ဖြင့် သက်ပြင်းချလိုက်တာကို ကျွန်တော်ကြားလိုက်သည်။
 
"ဒါကတော့.. ခဏပဲ ခွဲနေရမှာပဲဟာ.. ဟော..နင့်သမီးလေး ပညာတတ်ဖြစ်သွားရင် ဘွဲ့ရသွားရင်မြန်မာပြည် ပြန်လာမှာပေါ့..."
 
"ဒါပေမဲ့..ဒါပေမဲ့..."
 
"ဒါပေမဲ့မနေနဲ့.. နင်အခုလိုဖြစ်နေရင်နင့်သမီးလေးက ဘယ်လိုလုပ် စိတ်ချလက်ချထားသွားနိုင်မလဲ.. ကိုယ့်သမီးလေး တိုးတက်ရေးပဲဟာ..."
"ဟုတ်ကဲ့ပါမမမေ...ကျွန်တော်လဲ သမီးလေးရှေ့ ဟန်ဆောင်နိုင်အောင်ကြိုးစားပါတယ်..ဒါပေမဲ့ အခုလိုမျိုး သမီးလေးနဲ့ ခွဲနေရမှာ စိတ်ထဲ တကယ်မကောင်းဘူး..."
 
=======================================================================

တကယ်တန်း သြစတေးလျကို ပညာသင်သွားဖို့ သမီးလေးကိုလေယာဉ်ကွင်းလိုက်ပို့တဲ့နေ့က ကျွန်တော်ရင်ထဲ ငိုချင်လျက်နဲ့ထိန်းချုပ်နေခဲ့တာ အသက်ရှုကြပ်လှပါသည်။

 သမီးလေးကတော့ ပျော်နေဟန်ရှိသည်။
 
"ဖေကြီး.. သမီးသွားတော့မယ်နော်.. တာ့တာနော်.."
 
"အေးအေး..ငါ့သမီးလေး ကျန်းမာချမ်းသာ ဘေးအန္တရယ်ကင်းပါစေ.. ဘုရားစာအမြဲရွတ်နော်သမီး.. ဘုရားရှိခိုးဖို့ မမေ့နဲ့.."

"ဟုတ်ကဲ့ပါ ဖေကြီးရဲ့..."

ကျွန်တော့်ပါးကိုဖြတ်ခနဲနမ်းရင်း လေယာဉ်ကွင်းထဲဝင်သွားတဲ့သမီးလေးကို ကြည့်ရင်း မျက်ရည်တွေ ကျွန်တော့်ပါးပြင်ပေါ် အလိုလိုလှိမ့်ဆင်းလာခဲ့ပါသည်။
 
သမီးလေးကတော့ နောက်ကိုပြန်လှည့်မကြည့်ခဲ့ပါ။
 
ကျွန်တော်ကတော့ သမီးလေးနောက်ကျောကိုကြည့်ရင်း ယောက်ျားတန်မဲ့ မျက်ရည်တွေကျနေခဲ့မိသည်။

=======================================================================

သမီးလေးက ကျွန်တော့်ဆီ တစ်လတစ်ခါဖုန်းဆက်သည်။
 
တစ်ခါတစ်လေ သမီးလေးကို သတိရလွန်းတဲ့အခါ ကျွန်တော်အင်တာနက်ကနေ တစ်ဆင့် သမီးဆီ ဖုန်းဆက်သည်။
 
ကျွန်တော်သမီးလေးကို အရမ်းသတိရသလို သမီးလေးကလဲ ကျွန်တော့်အပေါ် အမြဲသတိရတယ်ဆိုတဲ့အကြောင်း၊ သမီးလေးက ပြောသဖြင့် ကျွန်တော် စိတ်ထဲကြည်နူးရသည်။
 
အဝေးမှာပညာသင်ကြားနေတဲ့သမီးလေးအတွက် ကျွန်တော်နေ့တိုင်း မေတ္တာပို့ဆုတောင်းပေးခဲ့သည်။
 
သမီးပြန်လာမဲ့ရက်ကိုလဲ လက်ချိုးရေရင်း ကျွန်တော်စောင့်နေမိသည်။
 
ပညာတတ်ကြီးအဖြစ်ပြန်လာမဲ့ သမီးလေးကို ကျွန်တော် ၀မ်းသာအားရကြိုဆိုရင်း ကျွန်တော်နဲ့သမီးလေးနဲ့ တစ်သက်လုံးပျော်ပျော်ရွှင်ရွှင် နေထိုင်သွားဖို့ ကျွန်တော် မျှော်လင့်ခဲ့သည်။

=======================================================================

"ဟလို..ဟလို..ကြားလား.."
 
"ဟလို..ကြားလား.. သမီးလေး.."
 
"အင်းအင်း..ကြားပြီ..ဖေကြီး..ဖေကြီး..နေကောင်းလား.."
  
"ကောင်းတယ် သမီးလေး.. သမီးလေးရော နေကောင်းရဲ့လား.."
 
"ကောင်းတယ်..ဖေကြီးရဲ့..သမီးဖေကြီးကိုပြောစရာရှိတယ်.."
 
"အေး.အေး.. သမီးပြော.သမီး နောက်တစ်ပတ်ဆို ပြန်လာရတော့မယ်မဟုတ်လား.."
 
"ဟုတ်တယ်..အဲဒါသမီးပြောမလို့.. သမီး..သမီး... ပြန်မလာဖြစ်တော့ဘူး.."
 
"ဘာ.. ဘယ်လို..ဘယ်လို.. "
 
"ဟုတ်တယ်ဖေကြီး..သမီးပြန်မလာတော့ဘူး..နောက်ထပ် ဘွဲ့တွေ ထပ်ယူဖို့ သမီးကြိုးစားမယ်..နောက်ပြီး..သမီး.သမီးမှာ.."
 
"သမီးမှာ..ဘာဖြစ်လဲ.. ဖေကြီး စိတ်ပူတယ်..ဘာဖြစ်လဲသမီး.."
 
"သမီးမှာ ချစ်သူရှိနေပါပြီ..သူက နိုင်ငံခြားသားတစ်ယောက်ပဲ.. သမီး သူနဲ့ယူပြီး သြစတေးလျ နိုင်ငံသားအဖြစ်ခံယူလိုက်မယ်.နောက်ပြီး သမီးသင်ချင်တဲ့ပညာတွေ ဆက်သင်ဖို့ သူတာဝန်ယူမယ်.သမီး ဒီတစ်သက် မြန်မာပြည် ပြန်မလာတော့ဘူး ဖေကြီး."
 
"ဘာ............................"

=======================================================================

"မောင်အေး..မောင်အေး.. နင် သတိရပြီလား..သတိရပြီလား.."

 "မမမေ.. ကျွန်တော် ဘယ်ရောက်နေတာလဲဟင်..."
 
"နင်ဖုန်းပြောရင်းမေ့လဲသွားတာလေ..အခုဆေးရုံရောက်နေတာ.."
 
"မမမေ..."
 
"ပြောလေ..ဘာပြောချင်လို့လဲ..."

"ကျွန်တော်လေ...ကျွန်တော့်သမီးလေးကို တစ်သက်လုံးစာအတွက် ဆုံးရှုံးလိုက်ရပြီ..."
နောက်မှပြောပါ မောင်အေးရယ်..နင်အားမရှိဘူး.. နှလုံးခုန်အားလဲမြန်နေတယ်တဲ့.. ဆရာဝန်ပြောတယ်.အရင်အနားယူလိုက်ဦး.  နောက်မှ.ဆက်ပြောနော်.."

 "မဟုတ်ဘူး..ကျွန်..ကျွန်တော်..ပြောချင်တယ်..
ကျွန်တော်သမီးလေးကိုအရမ်းချစ်တယ်..အဲဒါ မမမေ သမီးလေးကိုတွေ့ရင်ပြောပေးပါ.."
 
"အေးပါ.ငါပြောပေးပါ့မယ်.."

 "နောက်ပြီးလေ.. ငယ်ငယ်တုန်းက သမီးလေးကို ဆိုပြခဲ့တဲ့သမီးသိပ်ကြိုက်တဲ့သီချင်းလေးလဲ ဆိုပြချင်တယ်..နောက်ပြီး..သမီးကြိုက်တဲ့ကြေးအိုးလဲ သမီးနဲ့တူတူစားချင်တယ်..နောက်ပြီး.. သမီးနဲ့ ဟက်ပီးဝေါမှာ အတူတူကစားချင်တယ်..နောက်ပြီး..နောက်ပြီး.................................................."

=======================================================================

"သမီးလေးရေ အိပ်တော့နော်..ဖေကြီးသီချင်းဆိုပြမယ်...
အပူအပင်ကင်းတဲ့... ကလေးလေး ဘ၀ကို... တစ်ခါပြန်ပြီး.. ရချင်သေးတယ်... အချစ်မသိသေးတဲ့... ကလေးလေးဘ၀ကို... တစ်ခါပြန်ပြီး... ရောက်ချင်သေးတယ်..."

 ဘိုမရုပ်လေးကို ပိုက်ရင်းသီချင်းဆိုသိပ်နေတဲ့ ကျွန်တော့်ကို ကြည့်ရင်း မမမေက မျက်ရည်တွေကျနေသည်။
 
"မမမေ မငိုနဲ့..တိတ်တိတ်နေ.ကျွန်တော့်သမီးလေး အိပ်တော့မယ်....မမမေကြေးအိုးသွားဝယ်ပါဦး..သမီးလေးစားဖို့...အေးပါ သမီးရယ်..မငိုနဲ့..မငိုနဲ့ ဖေကြီးရှိတယ်နော်..."
 
ကျွန်တော့်လက်ထဲက ဘိုမရုပ်လေးရဲ့နဖူးလေးကို ကျွန်တော်ငြင်ငြင်သာသာနမ်းလိုက်သည်။။။။


1 comments:

မိုးသက် said...

အိုး... အဆုံးကျမှ ချိုးချိုးချလိုက်တာ မနှင်းဆီရဲ့ စတိုင်ထင်ပါရဲ့..
ဆိုးတယ်.. သိပ်ဆိုးတယ်..

Post a Comment