ဖြူသော နက်သောနှင်းဆီ

ဖြူသော နက်သောနှင်းဆီ ... ???
ဒီမေးခွန်းကို ရင်ထဲကနေ အမှန်အတိုင်းပဲဖြေပါရစေ။
အရမ်းတွယ်တာတတ်တယ်။ အရမ်းရက်စက်တတ်တယ်။ အရမ်းပျော့ညံ့တတ်တယ်။
စိတ်နာကျည်းတတ်တယ်။ နားလည်ခွင့်လွှတ်တတ်တယ်။ အရမ်းငိုတတ်တယ်။

သေချာတယ်။ နှင်းဆီက အသိဥာဏ်တွေ ပိုးစားခံတဲ့သူတစ်ယောက်။

နှင်းဆီဘ၀မှာ လိုချင်တာတာတွေ မရခဲ့ဘူးလို့ မပြောချင်ဘူး။
ဖြစ်ချင်တာတွေ မဖြစ်ခဲ့ဘူးလို့ မဆိုလိုချင်ဘူး။
တစ်ခုပဲ။
ကိုယ်ချင်းစာတရားဆိုတာ ပြောဖို့သာ လွယ်တာပါ။
လက်တွေ့ကွင်းဆင်းလေ့လာဖို့ ဘယ်သူမှ ၀ါသနာမပါဘူးလေ။

အခုနှင်းဆီ အရင်ကလိုအရမ်းမငိုတော့ဘူး။
နှင်းဆီအရမ်းနှမျောတယ်။
အရင်က အရာတွေ၊ အပေါင်းအသင်းတွေ၊ သံယောဇဉ်တွေ... အို.. နှမျောတဲ့အရာတွေပြောရရင် ကုန်မှာ မဟုတ်ဘူး။
ဒါပေမဲ့ စိတ်ကြီးတယ် ဆိုတဲ့ နှင်းဆီလိုမိန်းမတစ်ယောက်မှာ အရမ်းအားငယ်တတ်တဲ့စိတ်တစ်ခုရှိတာကိုတော့ ဘယ်သူမှမရိပ်မိပါဘူး။

နှင်းဆီအခုရှာဖွေနေတယ်။
ဘယ်မှန်းမသိတဲ့အရာတွေကိုပဲရှာဖွေနေတယ်။
အခု နှင်းဆီ လမ်းတွေလျှောက်နေတယ်။ ဒါပေမဲ့နှင်းဆီမှာ ဦးတည်ချက်မရှိဘူး။
ရည်ရွယ်ချက်မရှိဘူး။
အများအမြင်မှာ နှင်းဆီကပျော်နေတယ်။
တစ်ခါတစ်လေ ပေါက်ကွဲနေတယ်။
တစ်ခါတစ်လေ ကြောင်တောင်တောင်နိုင်တယ်။
အားလုံးရဲ့နောက်ကွယ်က ပြတ်တောက်နေတဲ့မျက်ရည်စီးကြောင်းကို ဘယ်သူမှ ခြေရာမခံနိုင်ဘူး။

နှင်းဆီကိုဝေဖန်ကြပါ။ အပြစ်မြင်ကြပါ။
ဘယ်လိုပြောပြော နှင်းဆီရင်နာနာနဲ့ခံလိုက်မယ်။
နှင်းဆီကဘာလဲ။ နှင်းဆီက ဘယ်သူလဲ။
မေးခွန်းတွေကိုနှင်းဆီသိပ်မုန်းတယ်။
ပတ်ဝန်းကျင်ရဲ့စကားတွေအတိုင်းပဲ နှင်းဆီကိုမြင်ကြည့်လိုက်။
ပတ်ဝန်းကျင်က ဆိုးတယ်ပြောခဲ့ရင် နှင်းဆီဆိုးပြမယ်။
ပတ်ဝန်းကျင်က လိမ်မာတယ်ပြောခဲ့ရင် နှင်းဆီလိမ်မာပြမယ်။

ဟင့်အင်း။ နှင်းဆီ လူတွေကိုမမုန်းပါဘူး။
လူတွေကိုကြောက်တာ။ ရွံ့တာ။
လူတောမတိုးတာ။
အွန်လိုင်းပေါ်ကလွဲရင် အပြင်မှာ ဆက်ဆံရေးမကောင်းတာ။
ဟားဟား
အခုလိုမျိုး ဒီရင်ဘက်ထဲက စာစီစာကုံးတွေချရေးတာကို တွေ့တိုင်း လူတွေအမြင်မကြည်မှန်းလဲသိနေပါတယ်။

အခုနှင်းဆီ ရင်ဖွင့်ချင်တယ်။ တစ်စုံတစ်ယောက်ကို။
နှင်းဆီပြောပြချင်တယ် တစ်စုံတစ်ခုကို။
အဲ့ဒါကပဲ မှားယွင်းတဲ့တစ်စုံတစ်ရာဖြစ်နေတယ်။
အဲ့ဒီတော့ ဘယ်သူ့ကိုမှ အပြစ်တင်ချင်စိတ် နှင်းဆီမှာ မရှိတော့ဘူး။

နှင်းဆီမရူးသေးပါဘူး။
ဟော.. မနေ့ကလေးတင် မိသားစုပြသနာတစ်ခုတက်သေးတယ်။
သေချာတယ် နှင်းဆီမရူးသေးဘူး။ အားလုံးကိုစကားပြောနိုင်သေးတယ်။
နောက်ဆုံးတစ်ခုက
ဆရာမ မစန္ဒာရဲ့ အရိပ်ဆိုတဲ့ဝတ္ထုကို နှင်းဆီအရမ်းကြိုက်တယ်။ ၄ခါမြောက်အဖြစ် ဒီနေ့ထပ်ဖတ်မိတယ်။။။



(အခုတလော နှင်းဆီစာမရေးဖြစ်ဘူး။
တိတိကျကျပြောရရင် စာမရေးဖြစ်တာ ၃လကျော်ပြီပေါ့။
နှင်းဆီဆိုတာ တစ်ခါတုန်းက အရမ်းခင်တွယ်ခဲ့ဖူးတဲ့ နိုင်ဆိုဒ်တစ်ခုမှာ စာတွေစရေးဖူးတဲ့တစ်ယောက်သောသူပေါ့။
အခုတော့ နှင်းဆီ အဲ့ဒီ့နိုင်ဆိုဒ်ကနေထွက်လိုက်ပါပြီ။
အခြားဆိုဒ်တွေတော်တော်များဝင်ဖူးတယ်။
ဒါပေမဲ့ အားလုံးကအပေါ်ယံတွေပဲလို့ ကိုယ့်စိတ်ထဲ ခံစားသတ်မှတ်မိတယ်။
အခုလဲနှင်းဆီရဲ့ ဒီနေ့စိတ်ထဲပေါ်နေသမျှ ရေးလိုက်မိတဲ့စာ အဓိပါယ်မရှိဘူးဆိုရင် ဖတ်တဲ့သူများ ကိုအားနာကြောင်း ပြောပါရစေ။ နှင်းဆီက အဲ့လိုလူမျိုးပါ။)...